Yudas 1:20 - Alkitab Duri

²⁰ Ee, tomala'bihku' to kupakamoja'! Ia to pangngajaran-Na Puang Allataala la mipake sipamasumanga' ammisamatappa'-tappa'na lako Puang Allataala. Na la massambajang kamu' situru' pangpatujun-Na Roh Allataala.

Yudas 1:20 Referans Kwoze

Efesus 6:18

Ia ke nnewa kamu' Ballisi', la massambajang tarruh bang kamu' mpeta'da pangtulung-Na Puang Allataala. La massambajang kamu' situru' pangpatujun-Na Roh Allataala. Danggi' mipajaii massambajang. Passambajanganni to sininna umma'-Na Puang Allataala.

1 Korintus 14:15

Jaji, apara la kupugauk? Iamo to kumua la massambajangna' mpake penawangku', angkumassambajang too mpake tangngahku'. La makkelongna' mpuji Puang Allataala mpake penawangku', angkumakkelong too mpake tangngahku'.

Kolose 2:7

La tatta' kamu' memmesa' sola Almaseh, mirannuanni. La samatappa'-tappa'na toomo kamu' lako Almaseh, susi to mangka diajaran kamu'. La tuli mangkurru sumanga' too kamu' lako Almaseh.

1 Tesalonika 5:11

Iamo joo, la sipamasumanga'mo kamu' misipamawatang too, susi to mipugauk tee too.

1 Korintus 14:26

Ee, tomala'bihku' sola ngasan! Apa ngasanra battuananna tee? Ia ke sirempun kamu' la ssompa Puang, pada den patummi. Den tomakkelong, tomangngajahhi, tompangpeissenan to apa mangka napakitanni Puang Allataala, tomangkada mpake basa mejangngaran, na den too tombattuananni to apa napau. Apa ia ngasan joo la dipugauk anna pamawatangngi to kamatapparanna tomatappa'.

Roma 8:15

Ia to Roh Allataala, to nabenki' Puang, te'da napukaunanki', anna te'da takalaja'i. Sibalikanna ia to Roh Allataala mpupenjajiki' anak Allataala, antawa'ding kumua lako Puang: “Ambe', ie' Ambe'ku'!”

Galatia 4:6

Nasuai Puang Allataala to Roh-Na Anak Allataala torro lan penawammi, sanga napuanakmo kamu'. Na ia to Roh-Na Anak Allataala mpusaba'i tametamba kumua, “Oo, Ambe'ku'!”

Efesus 4:29

Danggi' mimangkada to napumasolang tau, apa kada mpamasumanga'ra to napumelo to tossa'dingngi anna nnampa' barakka'.

Jamanna Rasulu' 9:31

Jaji te'damo nadisessa to jamaa jio tana Yudea, Galilea na Samaria. Na pangtulung-Na Roh Allataala anna samawatang-watangna na sakerangngan-rangnganna too joo jamaa, ssompa Puang.

Efesus 4:16

na ia tee kita' dipasangrapang mangrupa-rupa lesoan batang kale-Na Almaseh. Te'da natiseran joo kale, nasaba' Almaseh nnampaii. Saloboh-lobohna na samawatang-watangna to kale, ke sipakamoja'ki' na pada mpangjamanki' Puang situru' barakka' to mangka dibenki'.

Efesus 4:12

Nabenni joo barakka' anna kullei umma'-Na mpangjamanni na pamawatang tooi kamatapparanna to umma'-Na to dipasangrapang batang kale-Na Almaseh.

Jamanna Rasulu' 26:18

mpami'cikki to matanna, ssolanni jio mai kamalillinan lako macerona, lla'paranni jio mai kuasanna Ballisi' lako kuasan-Na Puang Allataala, anna didampangan, namenjaji umma'-Na to napilei Puang Allataala, sanga matappa'i lako Aku'.’ ”

1 Yahya 5:4

sanga ia to tonapuanakmo Puang Allataala mangkamo ntaloi kuasanna tolino to tangnturu' Puang Allataala. Ia to tapake ntaloii, iamo to kamatapparanta'.

Yakub 2:22

Jaji manassa kumua iapi natongan to kamatapparan ke dipasiolananni panggaukan.

Titus 1:1

Ee, Titus to kupuanak! Aku', Paulus, mesa'na' taun-Na Puang Allataala na rasulu'-Na Puang Isa Almaseh ngkiringanko tee sura'. Dipileina' angkuajahhi to tonapilei Puang Allataala, namatappa' tongan. Dipilei toona' mpatuju ngasanni, anna issenni to pangngajaran tongan, natuo situru' pakkaeloran-Na Puang,

1 Korintus 10:23

Den tau nakua, wa'ding ngasan dipugauk to sininna apa. Apa ianna aku' kukua te'da na ia ngasan bang den bua'na. Jaji, moi na hallala' ngasan to apa, te'da na ia ngasan mpamawatang tomatappa'.

Roma 15:2

Sibalikanna la tapemasannangngi joo padanta' tomatappa' to la napumelona, napumawatangngi kamatapparanna.

Jamanna Rasulu' 15:9

Te'da napasilaenanki' Puang Allataala na bangsa laen, nadampangan too ke matappa'i.

2 Timotius 1:5

Mangkurru sumanga'na' ke kuingaranni to kamatapparanmu to mandalan tongan. Ia to pamulanna matappa' lako Puang Isa, iamo to nenemu Lois na indomu Eunike. Na kuissen kumua susi todako joo.

1 Timotius 1:4

mmatean too wattunna lako curita tojolo to tangkebattuan na nunnungan nene to te'da cappa'na. Nasaba' ia ngasan joo mpaden mandari kasipekkan na hhalangngi tau nnissen akkatta-Na Puang Allataala mpasalama' tolino. Tomatappa' manda ngkullei nnissenni joo.

1 Korintus 1:8

Puangta' Puang Isa Almaseh Ia la mpamawatang kamu' mida'tan matappa' ratu lako cappa'na anna moi ci'di' te'da kasalanmi, ke ratu pole'mi.

Pengkitanna Yahya 13:10

“Ia to tau la ditarungku, nang la ditarungku ia. Na ia to tau la dibuno mpake pa'dang, nang la dibuno ia. Jaji la sabbara'i namatappa' to umma'-Na Puang Allataala.”

Yudas 1:3

Ee, tomala'bihku' to kupakamoja'! Ia to pattujungku' nnukiran kamu' sura', iamo to la mpaui to kasalamatan tatarimamo. Apa kukita tee too, la'bih paralluna' mpangngingaran kamu' lan tee sura'ku', ammitatta' mpangngewai pangngajaran tongan. Ia joo pangngajaran pissenri Puang Allataala mpabarakkannii to umma'-Na.

2 Petrus 1:1

Ee, tomala'bihku' sola ngasan! Pada matappa'miki' lako Puangta' Puang Isa Almaseh, nasaba' kamarurusan-Na. Iamo Puang Allataala, Tomangpasalama'ta'. Aku' Simon Petrus, taun-Na ba'tu rasulu'-Na, ngkiringan kamu' tee sura'.

Jamanna Rasulu' 6:7

Susii joo laoanna nasatitaleh-talehna to kadan-Na Puang Allataala na sakerangngan-rangnganna too to tomatappa' lako Puang Isa jio kota Yerusalem. Na moi imang buda too memmatappa'.