Yudas 1:19 - Alkitab Duri

¹⁹ Ia tuu lako tau mpaden buda kasisakkan lan tangnga-tangngana tomatappa'. Ia to napugauk tangngia pangpatujun-Na Roh Allataala, apa kamadoangan gaja'na bang ia.

Yudas 1:19 Referans Kwoze

1 Korintus 2:14

Ia to tote'da naampui Roh Allataala, te'da natarimai to apa naajaranni Roh Allataala, nasaba' nasangari ia curita tangtongan. Te'da nakullei mpahangngi apa to naajaranni Roh Allataala, sanga iapi napahangngi ke denni Roh Allataala lan kalena joo tau mpapahangngii.

Roma 8:9

Ia to kamu' te'damo mituru' kamadoangan penawammi, sanga nakuasaimo kamu' Roh Allataala, to tuo lan kalemi. Ia to te'da Roh Almaseh lan kalena, tangngia taun-Na Almaseh.

Yakub 3:15

Ia to kamaccan susi joo te'da napole jao mai suruga apa pole jiori mai tee lino, jio mai pangkabudaian gaja'na tolino, jio mai setang.

Ibrani 10:25

Melo ke tuli sirempunki' ssompa Puang na danggi' taden makuttu sirempun susi to napugauk ba'tu pira-pira tau. Sipupangngingaran tarruhki', sanga taissen kumua cingga'tu'mora naratu Puang.

Kada Bulawan 18:1

Ia to tocia' sirau tau, battuananna ngkitan mesa kalena, nate'gehhi bang to pangngampa'na tau laen.

1 Korintus 6:19

Tantu miissenmo kumua ia to batang kalemi bola-Na Roh Allataala, to naben kamu' Puang Allataala torro lan kalemi. Jaji, ia tee batang kalemi tangngiamo apammi, apa apannamo ia Puang Allataala.