Yosua 9:24 - Alkitab Duri

²⁴ Mebalimi to to-Gibeon nakua, “Iamo kipugaukki susi joo, nasaba' kisa'dingmo kumua ia to PUANG Allataala to misompa mangka mangkada lako Nabi Musa, tompangjaman-Ni kumua, la Naben kamu' tee sininna kampong na la mipatei ngasan to taunna, iamo kipumalaja' ke mipateikan.

Yosua 9:24 Referans Kwoze

Matius 10:28

Danggi' mimalaja' lako tolino to batang kale manda nakulle nabuno, apa te'da nakullei mbuno penawammi. Puang Allataalara to sipato' mikalaja', nasaba' ianna mangka mbuno kamu', makuasapa Ia mpatamai naraka to batang kalemi sola penawammi.

Yosua 9:9

Mebalimi nakua, “Ia tee kami' kaunanta', gaja bela to kampongki'. Ratukan, nasaba' kisa'dingmi to apa mejangngaran Napugauk PUANG Allataala to misompa. Kisa'dingmo to sininna apa Napugauk lako to-Mesir,

Yosua 2:9

Namangkada Rahab nakua, “Kuissen kumua Nabenmo kamu' PUANG Allataala tee kampongki'. Na sininna tau llan tee kampong malaja' ngasan lako kamu' to-Israel.

Yosua 2:11

Ia tongkisa'dingngi joo kareba, gaja laja'mokan, te'damo kabaranianki'. Ia to PUANG Allataala misompa, nang Iamo Allataala ngkuasai langi' sola lino.

Yosua 6:21

Sininna to to-Yerikho mate ngasan dipa'dangngi, la muane la baine, la to matua, la tomalolle'. Sininna sapin, bembala' na keledai dipatei ngasan too.

Yosua 10:2

Gaja laja'i to to-Yerusalem, nasaba' matonggo to kota Gibeon, pada tonggona to kota den rajana, la'bih matonggopa na kota Ai. Umbopi ia to taunna sigaja barani na macca parari.