Yosua 9:17 - Alkitab Duri

¹⁷ Ia tonna sa'dingngi to-Israel joo kareba, malemi mpangngujuii joo kota. Ia tonna tallung allomo ratumi lako kota Gibeon, kota Kefira, kota Beerot na kota Kiryat-Yearim.

Yosua 9:17 Referans Kwoze

Yosua 18:14

Llan kalambunanna joo buntu, namellekko sau' kota Kiryat-Baal (ia bang una to disanga Kiryat-Yearim). Ia to kota Kiryat-Baal tanana to-Yehuda. Iamo anggena tanana suku Benyamin llan kalambunan.

Yosua 15:60

Denpa dua kota sola kampong mengguririkkina jio membuntunna. Iamo to kota Kiryat-Baal ia una to kota Kiryat-Yearim na kota Raba.

Yosua 15:9

mellekko nnola mata wai Me-Neftoah, ratu lako sininna kota siandah Buntu Efron. Jio mai ntuu joo, ia to katonan namellekko mangnguju lako kota Baala, iamo to Kiryat-Yearim,

Yosua 10:2

Gaja laja'i to to-Yerusalem, nasaba' matonggo to kota Gibeon, pada tonggona to kota den rajana, la'bih matonggopa na kota Ai. Umbopi ia to taunna sigaja barani na macca parari.

Yosua 9:3

Apa ia to-Hewi to torro jio Gibeon nasa'ding tooi to apa mangka napugauk Yosua lako to-Yerikho sola to-Ai.

Yosua 9:9

Mebalimi nakua, “Ia tee kami' kaunanta', gaja bela to kampongki'. Ratukan, nasaba' kisa'dingmi to apa mejangngaran Napugauk PUANG Allataala to misompa. Kisa'dingmo to sininna apa Napugauk lako to-Mesir,

Yosua 9:16

Apa ia tonna tallung allomo mangkanna sibasse, denmi tau mpaui lako to-Israel kumua mandoppi'ra kampongna to to-Gibeon, inde' bang una tana Kanaan.

Yosua 9:18

Apa te'damo nawa'ding to-Israel mpatei to-Gibeon, nasaba' mangkami to tomangparentana massapah mpau sangan-Na PUANG Allataala to nasompa to-Israel. Sipangnuku-nukuanmi to to-Israel lako tomangparentana.

Yosua 18:15

Na ia to katonan llo'na liu, pamula llan mai cappa' kota Kiryat-Yearim, mangnguju kadellekan nnola to nanii pira-pira mata wai Me-Neftoah,