Yosua 9:10 - Alkitab Duri

¹⁰ sola to Napugauk lako dua rajana to-Amori jio kadellekanna Sa'dan Yordan, iamo to Sihon rajana to-Hesybon na Og rajana to-Basan to torro jio Asytarot.

Yosua 9:10 Referans Kwoze

Yosua 12:4

Na ia to raja laennapa to natalo Nabi Musa sola to-Israel iamo to Og, raja jio Basan, to torro jio Asytarot sola jio Edrei. Ia tee Raja Og mesa' to-Refaim to tuo unapa joo wattu.

Yosua 2:9

Namangkada Rahab nakua, “Kuissen kumua Nabenmo kamu' PUANG Allataala tee kampongki'. Na sininna tau llan tee kampong malaja' ngasan lako kamu' to-Israel.

Yosua 9:9

Mebalimi nakua, “Ia tee kami' kaunanta', gaja bela to kampongki'. Ratukan, nasaba' kisa'dingmi to apa mejangngaran Napugauk PUANG Allataala to misompa. Kisa'dingmo to sininna apa Napugauk lako to-Mesir,

Yosua 9:11

Iamo joo nasuakan tomangparentaki' sola sininna totorro jio kampongki' nakua, ‘Mangkinallo kamu' mimale ssitammuanni, mikuanni: Ia tee kami' kaunanta'. Meta'dakan, ia ke wa'dingngi, tasibasse.’

Yosua 13:31

Sitangngana tana Gilead, na kota Asytarot na Edrei, diben too lako Manasye. Ia tee kota Asytarot na Edrei nakuasai Raja Og jio Basan tonna tee. Ia ngasanmo joo to tana diben lako sitangngana rapunna Makhir, anakkana Manasye.

Yosua 2:10

Saba' kisa'dingmo to kareba umbo nakua PUANG Allataala tonna tee mpamakase Tasik Teberau, miolai lamban tommisalai tana Mesir. Kisa'ding toomo kumua mangka mipatei to Sihon sola Og, rajana to-Amori jio kadellekan Sa'dan Yordan.