Yosua 8:33 - Alkitab Duri

³³ Ia to to-Israel, tomatua-tua, pangngatoro' surudadu, tomangra'tah kara-kara, la ampu kampong, la tomentoratu llan kampong, ditawa duai, den to ke'deh nnoloi Buntu Gerizim, na den too to nnoloi Buntu Ebal. Na llan tangnga to imang to-Lewi, to mbulle Patti Basse-Na PUANG Allataala. Susimi joo carana to napangparentan Nabi Musa, tompangjaman PUANG Allataala tonna tee, ke la ntarimai barakka' to to-Israel.

Yosua 8:33 Referans Kwoze

Yosua 24:1

Nasuai Yosua to sininna suku Israel sirempun jio Sikhem. Natambaii to tomatua-tua, sola tomangparenta, na tomangra'tah kara-kara sola komandan mangngolo lako Allataala.

Yosua 4:18

Ia tonna endekmo de' randan sa'dan, lolongmi to wai, namallua' ratu de' randan sa'dan susi nnena', tonna te'dapa nalamban to to-Israel.

Yosua 3:3

napangparentanni kumua, “Iammikitami to imang suku Lewi mbulle Patti Basse-Na PUANG Allataala to tasompa ssalaii tee ngenan, undimo kamu' nturu'i joo patti,

Yosua 23:2

iamo natambaii to sininna to-Israel sola tomatua-tua, tomangparenta, tomangra'tah kara-kara na komandan, namangkada nakua, “Gaja tuamo',

Yosua 6:6

Natambaimi Yosua to imang nakuanni, “Bullemi tuu Patti Basse, na kamu' to pitu imang sibawa tarompe', jolomo kamu' lumingka njoloan Patti Basse-Na PUANG Allataala.”

Yosua 4:10

Tatta' bangngi to imang mbulle Patti Basse ke'deh llan tangnga Sa'dan Yordan arannai mangka to-Israel mpugaukki sininna to Napangparentan PUANG Allataala lako Yosua, napauanni lako to-Israel susi too to mangka naparentanni Nabi Musa. Na parri-parrimi llambanni Sa'dan Yordan.

Yosua 3:14

Ia joo wattu megandummi to tau na biasanna ke wattu susi joo endek to wai sa'dan ratu de' randanna. Ia tonna salaimi to-Israel to nanii mangtenda la male llambanni Sa'dan Yordan, jolomi lumingka to imang mbulle Patti Basse. Ia tonna pelleseanmo ajena to imang do' wai sa'dan,

Yosua 3:6

Mangkai joo too, nasuami Yosua to imang mbullei to Patti Basse, nalumingka njoloan to-Israel. Napugaukmi susi to disuanni.

Yahya 4:20

Ia to tojoloki' ssompa Puang Allataala jao ntee buntu, apa mikua kamu' to to-Yahudi jaori kota Yerusalem to nanii tau massompa.”