Yosua 8:2 - Alkitab Duri

² Ia to to-Ai sola rajana la mupatei susi to mangka mupugauk lako to-Yerikho sola rajana ba'tu piran. Apa ia to ewananna sola patuoanna wa'ding miala mipuapai. Suai to surudadummu naden pira' membuni nnola jio mai boko' kota sadia ta'pa rrarii.”

Yosua 8:2 Referans Kwoze

Kada Bulawan 13:22

Ia to tomelo penawanna mben manah bati'na, apa ia to tomadosa, undinna la naputawa tomakassing to kasugiranna.

Yosua 6:21

Sininna to to-Yerikho mate ngasan dipa'dangngi, la muane la baine, la to matua, la tomalolle'. Sininna sapin, bembala' na keledai dipatei ngasan too.

Kada Bulawan 28:20

La buda barakka'na to todikatappa'i, apa la dicalla to tomadoang bang madoi' sugih.

Yosua 10:28

Ia joo wattu narari tooi Yosua to to-Makeda, nataloi sola rajana. Sininna tau llan joo kota napatei ngasan Yosua, te'da lalo moi mesa' naeloran tuo. Ia to rajana to-Makeda napasusii to napugauk Yosua lako rajana to-Yerikho.

Yosua 10:1

Nasa'dingmi Adoni-Zedek, raja kota Yerusalem kumua mangkami natalo Yosua to to-Ai, naancuru'i to kotana, napateii to rajana, susi to mangka napugauk lako to-Yerikho sola rajana. Nasa'ding tooi kumua mangkami sibasse to to-Gibeon sola to-Israel la sisoba', nada'tan torro sola to-Israel.

Yosua 8:24

Ia tonna mangkamo to surudadu to-Israel mpatei ngasanni to to-Ai to nnula'i lako padang pallawangan, pole boko' pole'mi lako kota Ai, napatei ngasanni to tau jio.

Yosua 8:19

Ia tonna angka'mi Yosua to limanna, ta'pa ke'dehmi to surudadu to membuninna, nararii joo kota, nataloi nata'pa ssumpunni.

Yosua 8:14

Ia tonna makale'mo, nakitami rajana to-Ai to surudadunna Yosua, nata'pa male sola taunna mangnguju Lombok Yordan sirari, to nanii sirari ba'tu piran. Te'da naissenni tee rajana to-Ai kumua den surudadu membuni jio boko' kota la rrari jioi mai boko'.

Yosua 8:12

Den agi-agi 5.000 surudadu nasua Yosua male membuni jio kalambunanna kota Ai, ngenan to naparalla' kota Ai na Betel.

Yosua 8:9

Mangkai joo too nasuami Yosua, male lako kalambunanna kota Ai, ngenan to naparalla' kota Ai na Betel, namembuni jio. Apa ia to Yosua mangbongii jio to nanii to-Israel mangtenda.

Yosua 8:7

ta'pa messunmo kamu' llan mai ngenan pembunianmi, mitamaii joo kota. PUANG Allataala to tasompa la mben kamu' kapataloan.

Yosua 8:3

Sadiami Yosua sola surudadunna la male rrarii kota Ai. Napileii Yosua 30.000 to surudadunna to sigaja barani namawatang, nasuai male bongi.

Yosua 8:8

Iammi tamaimi joo kota mimangka rrampai, ta'pa la misumpunni, susi to Napangparentan PUANG Allataala la mipugauk. Ingaranni, susi toomi joo kusuan kamu'.”

Yosua 9:3

Apa ia to-Hewi to torro jio Gibeon nasa'ding tooi to apa mangka napugauk Yosua lako to-Yerikho sola to-Ai.

Yosua 11:14

Sininna tau llan joo kota dipatei ngasan, te'da lalo dieloran tuo. Apa ia to sininna ewanan to makeangga' sola sininna patuoanna naala ngasanni to-Israel napuapai.