Yosua 7:21 - Alkitab Duri

²¹ Ia to ewanan dirampa, den baju lando liwa' melo panggaraganna to-Babilonia, den too pera' agi-agi dua kilo na sangbatang bulawan la'bih sitangnga kilo. Gaja kukadoangngii, angkualai, kukalii to litak llan tendaku' kunii mbunii. Kupajiong laloi liu to pera'.”

Yosua 7:21 Referans Kwoze

Yakub 1:15

Ianna paula'i bangngi joo kamadoangan gaja'na, iamo joo mpaden dosa arannai mpusaba' kamatean.

Lukas 12:15

Mpatarruhhi kadan-Na Puang Isa lako tobuda ntuu jio nakua, “Majaga kamu', miingaran meloi, danggi' mimadoang nnassang sininna apa lan tee lino. Nasaba' ia to katuoanna tau te'da napole jio mai kasugiran, moi nasugih lallang.”

2 Petrus 2:15

Lao sala ngasanni, sanga pada cia'i nturu' pakkaeloran-Na Puang Allataala. Ia to naturu'i, iara to sipa'na Bileam anakkana Beor, to nakabudai ke disaroii na mpugauk kasalan.

Ibrani 13:5

Danggi' napukaunan kamu' doi', apa pumasannang bangmi to apa miampui, sanga mangkamo napau Puang Allataala kumua, “La kupuinawa tarruhko, te'da kulassalaiko.”

Kada Bulawan 28:22

Ia to tomacecceng madoang bang madoi' sugih, te'da naingaranni kumua la naratui kaasi-asian.

Kolose 3:5

Iamo joo ca'beanni to sininna kamadoangan gaja'mi, susinna manggauk sala, panggaukan laen to tangsipato', nturu' bang pakkaeloran penawa, mangpanggaukan tangmelo na madoang nnassang sininna apa, nasaba' ia to tomangngassang dipapadai tossompa dewata.

Efesus 5:5

Nasaba' miissen kumua te'da nawa'ding menjaji umma'-Na Almaseh sola Puang Allataala lan kaparentan-Na to tomanggauk sala, tomangkedo tangsipato'na, ba'tu tomadoang bang nnassang sininna apa, nasaba' ia to tomangngassang dipapadai tossompa dewata.

Efesus 5:3

Jagai sangammi, danggi' naden tau mpaui kumua manggauk sala kamu', madoang kamu' nnassang sininna apa iarika mpugauk kamu' panggaukan tangsipato' laenna. Te'da nasipato' joo, nasaba' umma'-Na kamu' Puang Allataala.

Lukas 12:2

Te'da to membuninna tangladipangpekitan, na te'da to dibunianan tangladipangpeissenan undinna.

Kada Bulawan 23:31

Danggi' lalo napamacinnako anggoro' moiraka nagaja melo dikita, macinnaki' ngkitai pancillang-cillang llan isotan, na gaja rasa diamma'.

Kada Bulawan 4:23

Jagai meloi to penawammu, nasaba' pole llan mai penawammu to mpattantu katuoanmu.

Yosua 7:20

Nakuamo Akhan, “Tongan, aku' to mpugauk kasalan lako PUANG Allataala to nasompa to-Israel. Susi tee to mangka kupugauk:

Yosua 7:22

Nasuami Yosua to ba'tu pira-pira tau madoi' male lako tendana Akhan. Naampa' tonganni joo ewanan dipangnganggai diala jio tendana Akhan, dilamun jiong litak, na ia to pera' jiongna lalo liu.

Kada Bulawan 1:19

Susimi joo naperasai to toraka nnangah saro mpake kamajekkongan natumangngi to katuoanna, napumatei.