Yosua 7:19 - Alkitab Duri

¹⁹ Nakuamo Yosua lako Akhan, “Ee anakku', massapahko lako PUANG Allataala to nasompa to-Israel, mangngakuko jio olo-Na, mupauanna' to apa mangka mupugauk, danggi' naden mubuni.”

Yosua 7:19 Referans Kwoze

Yahya 9:24

Natambai pole' omi pekaamberan to-Yahudi joo tomangka buta nakuanni, “Massapahko lako Puang Allataala kumua la mupau to tonganna. Kiissen kumua tomadosa joo tau.”

Daniel 9:4

Mangngakuna' lako PUANG Allataala to kusompa, sanga ia to dosa kipugauk. Ia to passambajangku' susi tee, “Oo Puang Allataala to makuasa to kikalaja' kikasiri', tatta' Tapugauk to basse-Ta'. Tomamase-Ki' lako sininna tompakamoja'-Ki' na mpugauk parenta-Ta'.

Kada Bulawan 28:13

Ia to tombuni kasalanna te'da napusaroi, apa ia to tonnakui kasalanna napaja mpugaukki, la Nakamasei Puang Allataala.

Pengkitanna Yahya 16:9

Ma'bong tongan to tau, nasaba' malussunna joo allo, natangdoii to Puang to ngkuasai joo pangsessa, na te'da bang una namengkatoba' jio mai dosana. Te'da too napakala'bih Puang Allataala.

Yakub 1:20

Sanga ia to tau ke mabirihhi te'da nakullei mpugauk kameloan to napumasannang Puang Allataala.

Titus 2:2

Pakainga'i to tomatua muane, anna ta'tan kalena, mandalan tangngah, na tomelo anna sipato' dikasiri'. La matappa'i lako Puang Isa Almaseh, mpakamoja' padanna rupa tau, sabbara' ke maparri'i.

2 Timotius 2:25

na mpangkadai rampa' tobatta'. Dennaa upa' naben unapi wattu Puang Allataala to tau susi joo namengkatoba' jio mai dosana anna issenni to pangngajaran tongan.

Roma 10:10

Nasaba' penawara namatappa' to tau, napupenjaji tomeloi Puang Allataala. Na pangngakuan timunna to tau anna dipasalama'.

Lukas 17:18

Ciapari na ia mandara tee mesa' tau, na bangsa tangngia to-Yahudi, pole boko' mpakala'bih Puang Allataala?”

Yosua 7:20

Nakuamo Akhan, “Tongan, aku' to mpugauk kasalan lako PUANG Allataala to nasompa to-Israel. Susi tee to mangka kupugauk: