Yosua 6:25 - Alkitab Duri

²⁵ Apa te'da naeloranni Yosua to tau mpatei Rahab sola sininna rapunna, nasaba' mangkami ntulung mata-mata to nasua Yosua ba'tu piran mmata-matai kota Yerikho. Ratu lako too allo da'tan unapi torro to Rahab sola bati'na jio tana Israel.

Yosua 6:25 Referans Kwoze

Ibrani 11:31

Na ia joo mesa' baine bandarang disanga Rahab, te'da nadibuno susi to padanna to-Yerikho to nnewa Puang Allataala, sanga matappa'i. Nasaba' ia tonna ratu ba'tu pira-pira to to-Israel mmata-matai kota Yerikho, masannangngi ntarimai jio bolana.

Yakub 2:25

Kitai Rahab, mesa' baine bandarang. Ia tuu lako mata-matanna to-Israel tonna anu' natarima melo Rahab, napakitanni lalan laen naolai mpala'pah kalena. Iamo natarima meloi Puang Allataala joo Rahab nasaba' panggaukan melona.

Matius 1:5

Salmon njajian Boas (disanga Rahab to indona), Boas njajian Obed (disanga Rut to indona), Obed njajian Isai,

Jamanna Rasulu' 2:21

Ia joo wattu, ia to tometa'da tulung lako Puang la dipasalama'.’ ”

Yosua 4:9

Den too batu sangpulo dua napasitodo' Yosua llan tangnga sa'dan jio to nanii ke'deh imang to mbulle Patti Basse. Ia joo batu denpa ratu lako too allo.

Yosua 2:1

Ia tonna torro mangtenda jio Sitim to to-Israel nasuami Yosua dua tau male mmata-matai tana Kanaan nakuanni, “Male kamu' mmata-matai tana Kanaan lalopa kota Yerikho, apa danggi' naden tau nnissenni to karatuanmi.” Malemi sola dua. Ia tonna ratumo lako kota Yerikho, leppang lakoi bolana mesa' baine bandarang disanga Rahab, namangbongi jio.

Yosua 2:4

Apa nabunii Rahab jolo' joo dua tau jao lata' bola mangpenduan to ditembo', nasamboii batang rami to mukkun dipemakasei, namane' male ssitammuanni joo tau nakua, “Den tongan ia tau ratu inde' bolaku', apa te'da aku' kuissenni topole umbori ia. Ia tonna la malillinmo nnena' tonna te'dapa nadisalli' to babangan kota, malemi ia, na te'da too kukutanaii kumua la male umbori. Mbai midete' unapa ke ta'pa male kamu' nnula'i.”

Yosua 2:18

Ia ke kitamaimi tee kampong, inde' to ulang malea la mupengkapuran jio ntee pentiroan kinii mellao. Na ia to ambe'mu sola indomu sola sininna rapummu kuanni nasirempun llan ntee bola.