Yosua 6:22 - Alkitab Duri

²² Nakuamo Yosua lako joo dua mata-mata, “Male kamu' lako bolana joo baine bandarang, solanni messun llan mai kota sola sininna tau llan bolana, susi to mangka mijanjianni.”

Yosua 6:22 Referans Kwoze

Ibrani 11:31

Na ia joo mesa' baine bandarang disanga Rahab, te'da nadibuno susi to padanna to-Yerikho to nnewa Puang Allataala, sanga matappa'i. Nasaba' ia tonna ratu ba'tu pira-pira to to-Israel mmata-matai kota Yerikho, masannangngi ntarimai jio bolana.

Yosua 6:17

La dilanynya'i ngasan tee kota sola sininna issinna, menjaji passompan lako PUANG Allataala. Ia mandara joo Rahab mesa' baine bandarang te'da naladipatei, nasaba' mangkami ntulung mata-matanta'. Moi to sininna tau llan bolana te'da too naladipatei.

Yosua 9:15

Mpadenmi basse Yosua sola to-Gibeon kumua, la sisoba'i na te'da naladipatei to to-Gibeon. Napada massapah to tomangparentana to-Israel ssitujui joo basse.

Yosua 6:23

Jaji malemi joo dua mata-mata lako bolana Rahab nasolanni to Rahab messun llan mai kota sola tomatuanna, sile'tona sola sininna rapunna, napakitanni ngenan la nanii torro jio siandah tendana to-Israel.