Yosua 6:18 - Alkitab Duri

¹⁸ Apa ingaran meloi, danggi' lalo naden apa miala, la dilanynya'i ngasan, nasaba' ia ke denni miala, la macilaka ngasanki' nakanna abala'.

Yosua 6:18 Referans Kwoze

1 Yahya 5:21

Ee, tokupuanak! Danggi' misompai to dewata. Padamo jolo' too.

Efesus 5:11

Danggi' mipugaukki susi to napugauk to tote'da naissen pakkaeloran-Na Puang, nasaba' te'da lalo napumelona tau joo apa napugauk. Apa la mipaissennii kumua tangmelo joo.

Yosua 7:1

Mangkami Napangparentan Puang Allataala lako to-Israel kumua, sininna apa llan kota Yerikho la dilanynya'i ngasan, te'da lalo apa wa'ding diala. Apa ia joo parenta te'da naturu'i Akhan, anakkana Karmi, ampona Zabdi, ampo uttu'na Zerah, suku Yehuda, apa kanni mbunianan ewanan to dipatuju lako Puang Allataala. Iamo joo nagaja galli PUANG Allataala lako to-Israel.

Yosua 7:25

Ia tonna ratumo lako Lombok Akhor, nakuamo Yosua lako Akhan, “Susi to kamacilakan muparatuanki', susi toomi la Nasessako PUANG Allataala.” Nasilekko'imi batu to-Israel to Akhan sola repokkona, arannai mate ngasan, nadisumpun sola sininna to naampui sola ewanan to naboko,

2 Korintus 6:17

Iamo joo salaii tuu lako tocia' matappa' lako Puang Allataala, messarak kamu' jio mai tuu lako tau. Danggi' lalo misitumbu to apa harang, angkuwa'ding ntarima kamu'.

Yakub 1:27

Ia to mangngagama tongan situru' pakkaeloran-Na Ambe' Puang Allataala, iamo to ntulung pea biung pu'puhmo, sola baine te'damo muanena nakaasi-asi, na njagai kalena danggi' naturu' panggaukan tangmelona tolino to tangnturu' Puang Allataala.

Roma 12:9

La sipakamoja' tongan kamu'! Kaba'cii to kagajatan, mipengkulleii to kameloan.

Yunus 1:12

Napebalii Yunus, “Buangna' do' tasik, manassa la radan tee angin bara'. Nasaba' kuissen kumua aku' napupasaba' na den tee angin bara' ngkanna kamu'.”

Yosua 7:15

Inda-inda to diampa' nnannai joo ewanan dipangnganggai diala, la ditunu api sola repokkona na sininna ewananna, nasaba' te'da naturu'i to parenta-Ku' na ncarepai to-Israel.”

Yosua 7:13

Ke'dehmoko mane! Suai to to-Israel napaccingngi kalena, nasadia mangngolo lako Aku' masawa. Kuanni kumua susi tee kadan-Na PUANG Allataala to nasompa to-Israel, ‘Ee to-Israel, mangkami Kupangparentan kumua lanynya'i ngasanni to apa llan joo kota. Apa den kamu' nnala ori pira'. Ianna te'da mialaii llan mai alla'mi, nang la te'da mikullei nnewa ewami.’