Yosua 5:14 - Alkitab Duri

¹⁴ Mebalii joo tau nakua, “Tangngia, apa ratura', sanga pangbarani surudadun-Nana' PUANG Allataala.” Suju'mi Yosua ratu do' litak, namangkada nakua, “Apara to sipato' la kupugauk tee aku' kaunanta'?”

Yosua 5:14 Referans Kwoze

Lukas 20:42

Nasaba' lan Sura' pangpujianna Raja Daud, ia kalena mangkada nakua: Nakua Puang Allataala mangkada lako Puangku', ‘Cumadokkoko ntee sa'de kanan-Ku',

Daniel 12:1

Mangkada pole'i joo malaeka' mangrupa tau, nakua, ‘Ia ke la Kama'mi lino, la ratui Mikhael sala mesa'na kapala malaeka' ntulung bangsamu. Na ia joo wattu na la den kamaparrisan la'da'. Te'dapa naden kamaparrisan susi joo, mangpamula den bangsa ratu lako joo wattu. Apa la salama' bangsamu to diuki'mo sanganna lan Sura' Katuoan.

Daniel 10:13

Apa mane' ratura' tee too, nasaba' duangpulo mesa allona nnewa mesa' malaeka' gaja' to ngkuasai Persia. Mangkai joo too, ratui Mikhael sala mesa'na kapala malaeka' ntulungna', nasaba' dipamesa-mesana' ntuu joo sola rajana to-Persia.

Pengkitanna Yahya 12:7

Anna sirari to malaeka' jao suruga. Mikhael sola malaeka'na nnewai joo naga, apa ia joo naga nabalii toda ia malaeka'na.

Yahya 20:28

Nakua Tomas lako Puang Isa, “Oo Puangku'! Oo Puang Allataala to kusompa!”

Matius 22:44

Nakua Puang Allataala mangkada lako Puangku', ‘Cumadokkoko ntee sa'de kanan-Ku', angkupupentalo ngasanni to ewalim-Mu mukuasaii.’

Matius 8:2

Ta'pa ratumi mesa' to tomasolak, suju' jio olo-Na Puang Isa nakua, “Oo Puang, ia ke melohki', manassa kumua makuasaki' mpamalagahna'.”

Ibrani 2:10

Mangkamo napaden, naampai tarruh tooi Puang Allataala to sininna apa. Naakkattai anna buda tau nasolan Puang Isa lako kamala'biran. Iamo joo napattantui kumua sipato' to Puang Isa mperasai parri' ratu lako mate-Na anna menjaji Tomangpasalama' te'da caccana ba'tu kakuranganna, nawa'ding mpasalama' tau.

Filipi 3:8

Kupurugi ngasan joo, nasaba' kupahang kumua la'bih melo to nnissen Puangku' Puang Isa Almaseh, na ia to laenna. Te'da ngasanmo kupugaukki, na kusangamira burauk, dikua angkuampa'i to Almaseh,

Jamanna Rasulu' 9:6

Apa ke'dehmoko tee too ammumale lako joo kota. Jiopa mudipauan apa to sipato' la mupugauk.”

Lukas 1:43

Indara' tee, anna ratura indo-Na Puangku' ssikitanna'?

Lukas 5:12

Den pissen najio mesa' kota to Puang Isa. Den mesa' muane masolak na maloo' tonganmo. Ia tonna ngkitamo Puang Isa, suju'mi jio olo-Na, anna mengkamase-mase nakua, “Oo Puang, ia ke melohki', manassa kumua makuasaki' mpamalagahna'.”

Yosua 20:1

Mangkai joo too, mangkada-Mi PUANG Allataala lako Yosua Nakua,

Daniel 8:11

Naewai to tongkapalai surudadu jao suruga, nata'tanni to tau mangkaroba keallo-keallo lako joo tongkapalai surudadu jao suruga. Nacarepai tooi to Bola Puang Allataala.