Yosua 3:7 - Alkitab Duri

⁷ Mangkada-Mi PUANG Allataala lako Yosua Nakua, “Mangpamula too allo, Kupamala'bihko, dikua nataratte'ko sininna to-Israel, naissenni kumua Aku' ntulungko, susi Nabi Musa Kutulung.

Yosua 3:7 Referans Kwoze

Yosua 4:14

Iamo joo wattu Nanii PUANG Allataala mpamala'bih Yosua jio olona sininna to-Israel. Angge tuona nataratte'i to-Israel, susi Nabi Musa nataratte' tonna anu'.

Yosua 1:5

Moi mesa' tau te'da ngkullei ntaloko angge tuomu, nasaba' Aku' tatta' ssolanko, susi Nabi Musa tonna tee tatta' Kusolan. La Kuampai tarruhko, te'da Kulassalaiko.”

Yosua 1:17

Nang la kituru' to parentata', susi Nabi Musa tatta' kituru' to parentana. Dennaa upa' Nada'tan PUANG Allataala to tasompa ntulungki', susi Nabi Musa da'tan Natulung Puang Allataala!

Yahya 17:1

Ia tonna mangkamo Puang Isa mpaui joo, mentingngarami de' langi' nakua, “Oo Ambe', nadete'mi wattunna. Pakala'bihmo' tee Aku' Anak, angkupakala'bih tooki'.

Filipi 1:20

Ia to kukadoangngi sola kurannuan, iamo to kumua te'da lalo kuladipakasiri', apa la barani tonganna' mpebalian Kareba Kasalamatan tee too, susi biasanna. Na ia ke susii joo, la dipakala'bih to Almaseh, nasaba' pebalingku', la tuoku', la mateku'.

Yosua 3:6

Mangkai joo too, nasuami Yosua to imang mbullei to Patti Basse, nalumingka njoloan to-Israel. Napugaukmi susi to disuanni.

Yosua 3:8

Kuanni to imang to mbullei joo Patti Basse, ianna ratumo lako sa'dan, napelleseanmo ajena do' wai, la da'tanni torro ke'deh jiong sa'dan.”

Yosua 1:9

Ingaranni, Kupauanmoko dikua mumasumanga', mubarani. Danggi' mumalaja', na danggi' too namoro' penawammu, nasaba' Aku' PUANG Allataala to musompa, ssolanko umbo-umbo munii male.”