Yosua 24:27 - Alkitab Duri

²⁷ Mangkadami Yosua lako to-Israel nakua, “Ia tee batu, iamo tapusa'bi. Sininna kadan-Na PUANG Allataala mangkamiki' dipauan jio ntee to' batu. Jaji, ia tee batu sa'bi lako kamu', to la minii nningaranni, danggi' mipesakkanni Allataala to tasompa.”

Yosua 24:27 Referans Kwoze

Lukas 19:40

Napebalimi nakua, “Katappa'i kumua, ia ke kamma'i, batu la ssullei gumalasi-lasi.”

Yosua 22:34

Nakuamo suku Ruben sola suku Gad, “Ia joo ngenan pangkaroban, iamo sa'bi lako kita' sola ngasan kumua, PUANG Allataala Iamo Allataala.” Iamo nasangaii joo ngenan “Sa'bi”.

Matius 10:33

Apa ia to tompessakkannina' jio olona tobuda kumua, te'da namenturu' lako kale-Ku', la kupessakkanni todai jio olo-Na Ambe'-Ku' jao suruga.”

Kada Bulawan 30:9

Iamo ke sugihna', kupesakkanni-Ki' kumangkada kumua, ‘Indara to Puang Allataala?’ ba'tu ia ke kaasi-asina', mbai kumale boko, nanco'lai sangan-Ta'.”

Titus 1:16

Mangngakui kumua nnissen Puang Allataala, apa sitonganna diissen kumua mangnguragai nasaba' te'da naturu' pakkaeloran-Na Puang. Meko'dosan na cia'i nturu' Puang. Te'da bang nakullei mpugaukki to disanga melo.

Pengkitanna Yahya 3:8

Iamo tee pepasan-Ku': Kuissen to apa mipugauk. Kuissen kumua te'da mimawatang. Apa mituru'mo to pangngajaran-Ku', na te'da mipessakkannina' kumua tangngiana' Puangmi. Mangkamo kamu' kutimbakan pelalan na moi inda te'da nakullei ssalli'i.

Yosua 24:28

Mangkai joo too nasuami Yosua to to-Israel pada pole lako tana manahna.