Yosua 24:16 - Alkitab Duri

¹⁶ Mebalimi to to-Israel nakua, “Nang te'da lalo kilampaboko'i penawa PUANG Allataala, kilamale ssompa dewata to nasompa bangsa laen!

Yosua 24:16 Referans Kwoze

Roma 6:2

Tantu te'da! Te'damo nasipato' ke mpugauk unapiki' dosa, nasaba' mangkamiki' mate sola Almaseh antadila'paran jio mai kuasa dosa.

Roma 3:6

Te'da ia nasusi! Nasaba' ia ke te'da namaruruh to Puang Allataala, umbo la nakua rra'tah kara-karana to tolino?

Yosua 24:15

Ia ke cia' kamu' massompa lako PUANG Allataala, pattantu memanmi too indara to la misompa. Lakoraka dewata to nasompa tojolota' jio Mesopotamia tonna anu', ba'tu iaraka to dewata nasompa to-Amori to tanii torro kampongna too? Apa ia to aku' sola sininna tau llan bolaku', la massompa lakokan kami' PUANG Allataala.”

Yosua 24:17

Nasaba' PUANG Allataala to tasompa mangka mpasalama'ki' sola tojolota' jio mai tana Mesir to dinii mpukaunanki'. Takitamo sininna to apa Napugauk, to liwa' mejangngaran. Tuli Nalendungngiki' llan sininna kalingkanta' nnolai tanana bangsa laen.

Yosua 22:29

Te'da lalo llan penawangki' kumua la nnewakan PUANG Allataala to tasompa, kipaboko'i-I penawa, kilangkabua' omo mesa' ngenan pangkaroban laen. Jio manda ngenan pangkaroban jio olo Tenda PUANG Allataala la kinii mpassompan karoba ditunu, karoba gandum ba'tu karoba digere'.”