Yosua 23:9 - Alkitab Duri

⁹ Mangkamo kamu' Naularan PUANG Allataala buda bangsa simawatang na simatonggo, nate'da lalo moi mesa' ngkullei nnewa kamu'.

Yosua 23:9 Referans Kwoze

Yosua 1:5

Moi mesa' tau te'da ngkullei ntaloko angge tuomu, nasaba' Aku' tatta' ssolanko, susi Nabi Musa tonna tee tatta' Kusolan. La Kuampai tarruhko, te'da Kulassalaiko.”

Yosua 23:5

Ia joo bangsa, la Napupentaloi PUANG Allataala to tasompa, Naula'ii jio mai olomi namale sipalaian. Mikuasaii to tanana mipumanahhi situru' to mangka Nabassean kamu' PUANG Allataala to tasompa.

Yosua 15:14

Naula'ii Kaleb llan mai kota Hebron joo tallu anakkana Enak, iamo to Sesai, Ahiman na Talmai.

Jamanna Rasulu' 7:45

Sitarruhna nabawa tooi, tonna solanni Yosua male parari mpassialaii tee tondokkota' jio mai kuasanna bangsa laen to naula'i Puang Allataala jio mai olona. Ia joo tenda jioi tangnga-tangngana to-Israel ratu lako kaparentanna Raja Daud.

Yosua 23:8

Nang la tatta' kamu' menturu' lako PUANG Allataala to tasompa susi to mipugauk ratu lako too allo.

Yosua 24:18

Na ia tonna den mentama ntee tana Kanaan, Naula'ii to to-Amori to tontorroii tee tana. Jaji la massompa lakokan PUANG Allataala, sanga Iamo Allataala to tasompa!”