Yosua 22:6 - Alkitab Duri

^6-9 Nabarakka'imi Yosua namane' nneloranni male, apa napakainga'i jolo' kumua, “Sugihmo kamu', gaja budamo patuoanmi, bulawanmi, pera'mi, tambagami, bassimmi sola gaja budamo pakeanmi. Polemo kamu' mitawa rampa'i sola rapummi jio tana manahmi to ewanan mangka mirampa.” Mangkai joo too, ke'dehmi llan mai kota Silo llan tana Kanaan to suku Ruben, sola suku Gad, na sitangngana suku Manasye napole lako kampongna jio Gilead. Ia tee sitangngana suku Manasye mangpadang manahhi jio kadellekanna Sa'dan Yordan jio tana Basan to nabenni Musa. Na ia to sitangnganapa suku Manasye, nabenni Yosua tana manah llan kalambunanna Sa'dan Yordan siandah sile'tona.

Yosua 22:6 Referans Kwoze

Yosua 14:13

Nabarakka'imi Yosua to Kaleb, anakkana Yefune, namane' mbenni to kota Hebron napumanahhi.

Lukas 24:50

Ia tonna mangkamo joo, nasolanmi Puang Isa to anak gurun-Na messun lan mai kota Yerusalem, na male lako kampong Betania. Nnangka'mi liman-Na ntuu jio nabarakka'ii.

Lukas 2:34

Nabarakka'imi Simeon sola tallu, namangkada lako Maryam indona joo pea nakua, “Napileimo Puang Allataala tee pea la ssabu'i sola la mpasalama' buda to-Israel. Iamo la menjaji tanda jio mai Puang Allataala to la naewa buda tau,

Yosua 24:28

Mangkai joo too nasuami Yosua to to-Israel pada pole lako tana manahna.