Yosua 22:29 - Alkitab Duri

²⁹ Te'da lalo llan penawangki' kumua la nnewakan PUANG Allataala to tasompa, kipaboko'i-I penawa, kilangkabua' omo mesa' ngenan pangkaroban laen. Jio manda ngenan pangkaroban jio olo Tenda PUANG Allataala la kinii mpassompan karoba ditunu, karoba gandum ba'tu karoba digere'.”

Yosua 22:29 Referans Kwoze

Yosua 24:16

Mebalimi to to-Israel nakua, “Nang te'da lalo kilampaboko'i penawa PUANG Allataala, kilamale ssompa dewata to nasompa bangsa laen!

Roma 9:14

Ia ke susii joo, la takuaraka kumua te'da namaruruh to Puang Allataala? Te'da nasusi joo! Maruruh Ia to Puang Allataala!

Roma 6:2

Tantu te'da! Te'damo nasipato' ke mpugauk unapiki' dosa, nasaba' mangkamiki' mate sola Almaseh antadila'paran jio mai kuasa dosa.

Roma 3:6

Te'da ia nasusi! Nasaba' ia ke te'da namaruruh to Puang Allataala, umbo la nakua rra'tah kara-karana to tolino?

Yosua 22:26

Iamo kipake'dehhi joo ngenan pangkaroban, te'dara pattujungki' kumua la kinii mpassompan karoba ditunu, ba'tu karoba digere',

Yosua 22:23

Nasessamorakan PUANG Allataala, ke denni pattujungki' la nnewa PUANG Allataala kikabua' ngenan pangkaroban laen, la kinii mpassompan karoba ditunu ba'tu mpangkaroban gandum, iarika karoba mangsukkuru' dipasalama'.

Yosua 22:28

Ianna mangkada to bati'mi susi joo keanu', la napebalii bati'ki' kumua, ‘Kitai joo ngenan pangkaroban napake'deh tojoloki' sangrupari ngenan pangkaroban lako PUANG Allataala jio olo Tenda Puang Allataala. Te'dara na la dinii mpassompan karoba ditunu, ba'tu karoba digere', apa la menjaji sa'biri lako patomalinta' kumua umma'-Na tookan Puang Allataala.’

Yosua 22:30

Ia tonna mangkamo Imang Pinehas sola to tomatua-tua to-Israel ssa'dingngi to kadanna to suku Ruben, na suku Gad sola sitangngana suku Manasye, mane'ri sau penawanna.