Yosua 22:11 - Alkitab Duri

¹¹ Nasa'dingngi to-Israel to mangtana manah llan kalambunanna Sa'dan Yordan kumua, ia to suku Ruben, sola suku Gad, na sitangngana suku Manasye mangkai ngkabua' ngenan pangkaroban jio kota Gelilot llan kalambunanna Sa'dan Yordan jio tana Kanaan, tanana to-Israel.

Yosua 22:11 Referans Kwoze

Yahya 1:28

Ia ngasanmo joo jaji jio kampong Betania, sambali' kadellekanna Sa'dan Yordan, to nanii mangjio' Nabi Yahya.

Yosua 2:7

Malemi to tau nasua raja nnula'i to mata-mata mangnguju lako kalambanan Sa'dan Yordan. Ia tonna messunmo llan mai kota to tonasua raja, disalli'mi to babangan kota.

Yahya 20:12

nakitai den dua malaeka' mangpakean mabusa cumadokko jio to mangka dinii mbujuh batang rabukku-Na Puang Isa. Mesa' jio ngenan ulun-Na na mesa' jio ngenan aje-Na.

Yahya 20:1

Ia tonna marimu-rimu unapa joo allo Aha', malemi Maryam Magdalena lako liang-Na Puang Isa. Nakitami to batu petungu' liang tigesu'mo jio mai ba'ba liang.

Yosua 22:10

Llan kalingkanna suku Ruben na suku Gad sola sitangngana suku Manasye pole lako tana manahna, nadete'mi to kota Gelilot kalambunanna unapa Sa'dan Yordan. Ngkabua'mi mesa' ngenan pangkaroban matonggo jio Gelilot siandah randan sa'dan.

Yosua 22:16

“Susi tee pepasanna sininna umma'-Na PUANG Allataala to torro llan kalambunanna Sa'dan Yordan. Nakua, ‘Ciapari mimangpanggaukan gaja' lako Allataala to nasompa to-Israel? Ciapari mipaboko'i penawa PUANG Allataala, mikabua' pole' ora ngenan pangkaroban? Nnewamo kamu' PUANG Allataala too allo!

Yosua 22:19

Ia ke misanga carepai to kampongmi, misangai kumua te'da nasipato' minii ssompa Puang Allataala, mellele bangmo kamu' tama tana-Na PUANG Allataala to nanii Tenda-Na. Wa'ding kamu' nnalai pira' to padangki' minii torro, danggi'mo miewa PUANG Allataala, ba'tu danggi' miewakan mimpake'deh pole' mesa' ngenan pangkaroban, na miissen kumua denmo ngenan pangkaroban lako PUANG Allataala to tasompa.