Yosua 2:14 - Alkitab Duri

¹⁴ Mebalii joo tau dua nakua, “Ianna benmokan PUANG Allataala tee kampongmi, la kipabalahhi to kameloan penawammu lako kami', assalan danggi' mumale ncuritai lako tau tee akkattaki' ratu. Nasessamorakan Puang Allataala, ke te'da kipugaukki susi joo.”

Yosua 2:14 Referans Kwoze

Matius 5:7

Masannang to tau ngkamasei padanna rupa tau, nasaba' la nakamasei too Puang Allataala.

Kada Bulawan 18:24

Den soba'ta' to mparatuanki' cilaka, apa den too tola'bih mpakamoja'ki' na sile'tota'.

Yosua 6:25

Apa te'da naeloranni Yosua to tau mpatei Rahab sola sininna rapunna, nasaba' mangkami ntulung mata-mata to nasua Yosua ba'tu piran mmata-matai kota Yerikho. Ratu lako too allo da'tan unapi torro to Rahab sola bati'na jio tana Israel.

Yosua 6:17

La dilanynya'i ngasan tee kota sola sininna issinna, menjaji passompan lako PUANG Allataala. Ia mandara joo Rahab mesa' baine bandarang te'da naladipatei, nasaba' mangkami ntulung mata-matanta'. Moi to sininna tau llan bolana te'da too naladipatei.

Yosua 2:15

Ia to sangbalinna bolana Rahab mpurinding tembo' kota na den pentiroanna. Iamo nanii Rahab ntulungngi joo dua mata-mata mellao mpake ulang.

Yosua 6:22

Nakuamo Yosua lako joo dua mata-mata, “Male kamu' lako bolana joo baine bandarang, solanni messun llan mai kota sola sininna tau llan bolana, susi to mangka mijanjianni.”

Kada Bulawan 14:22

Ia to tompangngattai mpugauk kameloan, la dikamasei na dikatappa'i, apa ia to tompangngattai kagajatan, sala lalan.

Jamanna Rasulu' 23:22

Nakuanni pangbarani joo pea, “Danggi' lalo naden tau mupauan kumua mangkamo' mupauan.” Mangkai joo too, nasuami pole joo pea.