Yosua 19:1 - Alkitab Duri

¹ Ia to mangpenduanna nakanna undi iamo to suku Simeon pantan sisangrapu. Ia to tana tawana llanni tangngana tana manahna suku Yehuda.

Yosua 19:1 Referans Kwoze

Yosua 19:9

Dibenni suku Simeon pira' to tanana suku Yehuda, nasaba' gaja luahhi to tawana. Iamo joo napumanah rapunna suku Simeon tana llan tangngana tana suku Yehuda.

Yosua 19:2

Den sangpulo tallu kota sola kampongna dibenni, iamo to kota Bersyeba, kota Syeba, kota Molada, kota Hazar-Sual, kota Bala, kota Ezem, kota Eltolad, kota Betul, kota Horma, kota Ziklag, kota Bet-Hamarkabot, kota Hazar-Susa, kota Bet-Lebaot na kota Saruhen.

Yosua 15:21

Ia to kota llo'na lalo liu sikatonan kampongna to-Edom llo' tana Negeb, den duang pulo kasera kota, na denpa pira-pira kampong jio mengguririkkina. Ia joo kota iamo to kota Kabzeel, Eder, Yagur, Kina, Dimona, Adada, Kedes, Hazor, Yitnan, Zif, Telem, Bealot, Hazor-Hadata, Keriot-Hezron, ia bang una Hazor, Amam, Sema, Molada, Hazar-Gada, Hesmon, Bet-Pelet, Hazar-Sual, Bersyeba sola sininna kampongna, Baala, Iyim, Ezem, Eltolad, Kesil, Horma, Ziklag, Madmana, Sansana, Lebaot, Silhim, Ain na Rimon.

Pengkitanna Yahya 7:7

Jio mai pangrapuanna Simeon sangpulo dua sa'bu tau. Jio mai pangrapuanna Lewi sangpulo dua sa'bu tau. Jio mai pangrapuanna Isakhar sangpulo dua sa'bu tau.