Yosua 14:1 - Alkitab Duri

¹ Susi tee to tana Kanaan llan kalambunan Sa'dan Yordan ditawa-tawa lako to-Israel. Natawai imang Eleazar sola Yosua anakkana Nun sola tomatua-tua jio mai suku to-Israel.

Yosua 14:1 Referans Kwoze

Jamanna Rasulu' 13:19

Ia tonna mangka ssabu'i pitu bangsa jio tana Kanaan, natawa-tawanni joo tana napumanahhi.

Yosua 13:6

na sininna kotana to-Sidon, to torro ntuu de' membuntunna, mangpamula jao Buntu Libanon ratu lako Misrefot-Maim. Sininna to tontorroi to tana, la Kuula'ii ke natamaimi to-Israel. Apa la mutawa mpake undi jolo' lako to-Israel to tana napumanahhi, susi to mangka Kupangparentan lako iko.

Yosua 19:51

Susimi joo Imang Eleazar, na Yosua anakkana Nun, sola sininna tomatua-tua to-Israel mpeta'da pangpatujun-Na PUANG Allataala ntawa tana mpake undi, naditawan suku to-Israel jio kota Silo jio olo Tenda Kasitammuan PUANG Allataala. Susimi joo mangkaii ntawa tana.

Yosua 21:1

Ia tonna mangtenda unapa to to-Israel jio kota Silo jio tana Kanaan, malei to tomatua-tua suku Lewi mangngolo lako imang Eleazar, Yosua anakkana Nun, sola lako sininna to matua-tua suku to-Israel laenna. Namangkada nakua, “Mangkami Napangparentan PUANG Allataala lako Nabi Musa kumua, ia to kami' suku Lewi la dibenkan kota kinii torro sola padang la kinii rrewai patuoanki'.”