Yosua 13:6 - Alkitab Duri

⁶ na sininna kotana to-Sidon, to torro ntuu de' membuntunna, mangpamula jao Buntu Libanon ratu lako Misrefot-Maim. Sininna to tontorroi to tana, la Kuula'ii ke natamaimi to-Israel. Apa la mutawa mpake undi jolo' lako to-Israel to tana napumanahhi, susi to mangka Kupangparentan lako iko.

Yosua 13:6 Referans Kwoze

Yosua 11:8

Napapataloi PUANG Allataala to to-Israel. Naula'i to ewana ratu re' kota Sidon Tonggo, kota Misrefot-Maim llan kalambunan, na lako Lombok Mizpa jio kadellekan. Narari tarruhhi arannai mate ngasan to ewana, moi mesa' te'da lalo tuo.

Yosua 23:13

ingaranni kumua, te'damo Nalannula'ii PUANG Allataala joo bangsa, iamo butung poja la ntumang kamu'. Napa'dikki kamu', susi to dirambi ba'tu butung duri llan matammi. Napandasa tarruh kamu', nate'damo minii torro tee tana liwa' melo, to mangka Naben kamu' PUANG Allataala to tasompa.

Yosua 23:4

Mangka ngasanmo kamu' kutawan mpake undi mipumanahhi to tanana bangsa to mangka tataloi sola to te'dapa naditaloi, mangpamula jio mai Sa'dan Yordan, angge randan Tasik Tangnga llan kalambunan.

Yosua 13:7

Iamo joo, tawanni lako kaserapa suku to-Israel na sitangnganapa suku Manasye, to tana napumanahhi.”

Yosua 1:6

Mpatarruhhi kadan-Na Puang Allataala lako Yosua Nakua, “Mangka Kubasse mpake sapah lako tojolomi kumua la Kubenni tee tana Kanaan. Baraniko mumasumanga', nasaba' ikomo la njoloananni tee bangsa la rrampai to tana mangka Kubasse lako tojolomi.

Yosua 11:12

Sininna to kota natalo ngasanni Yosua, napateii to rajana sola sininna taunna to torro llan kota, susi to nasuanni Nabi Musa, tompangjaman PUANG Allataala.

Yosua 23:5

Ia joo bangsa, la Napupentaloi PUANG Allataala to tasompa, Naula'ii jio mai olomi namale sipalaian. Mikuasaii to tanana mipumanahhi situru' to mangka Nabassean kamu' PUANG Allataala to tasompa.