Yosua 13:22 - Alkitab Duri

²² Sininna to tonapatei to-Israel tonna tee, jio toomi to Bileam anakkana Beor, mesa' topakita-kita.

Yosua 13:22 Referans Kwoze

Pengkitanna Yahya 2:14

Apa moi nasusi joo, den unapa tangkupumasannang lako kamu'. Den kamu' ba'tu pira-pira tonturu' pangngajaranna Bileam to nnajahhi Balak mpalao sala to-Israel nakandei to apa mangka dipassompan lako dewata, napugauk tooi to gauk mesirisan.

Yudas 1:11

Macilaka ngasanni! Mpugaukki kagajatan susi to napugauk Kain. Mpugauk tooi dosa susi to napugauk Bileam, nasaba' madoang bangri kesaro. Dirabunnii nasaba' nnewai Puang Allataala susi to napugauk Korah tonna anu'.

2 Petrus 2:15

Lao sala ngasanni, sanga pada cia'i nturu' pakkaeloran-Na Puang Allataala. Ia to naturu'i, iara to sipa'na Bileam anakkana Beor, to nakabudai ke disaroii na mpugauk kasalan.

Pengkitanna Yahya 19:20

Apa ditalomi anna dijokko joo olok-olok sola nabi tangtongan, namane' dipembuangan tuo tama api colo' manglanya-lanya. (Ia to nabi tangtongan iamo to mangka mpugauk tanda makalaen-laen jio olona joo olok-olok. Ia joo tanda napake joo olok-olok mpalao sala tau to den tandana joo olok-olok jio kalena na ssompa tooi joo tau-taunna.)

Yosua 13:23

Ia to angge tana manahna suku Ruben llan kalambunan iamo to Sa'dan Yordan. Ia ngasanmo joo to kota sola kampong to diben sininna rapunna suku Ruben napumanahhi.