Yosua 12:8 - Alkitab Duri

⁸ Iamo to membuntunna sola membuntu-buntunna tana Yehuda, Lombok Yordan, awa' buntu kalambunanna Tasik Mate na padang makase Negeb, to pura tanana to-Het, to-Amori, to-Kanaan, to-Feris, to-Hewi na to-Yebus.

Yosua 12:8 Referans Kwoze

Yosua 11:16

Susimi joo, Yosua rrampa tana Kanaan: membuntunna tana Yehuda, padang makase Negeb, tana Gosyen, membuntu-buntunna tana Yehuda, Lombok Yordan na membuntunna tana Israel.

Yosua 10:40

Susimi joo Yosua ntaloi rajana to-Kanaan, narampai to tanana. Iamo to membuntunna sola membuntu-buntunna tana Yehuda, padang makase Negeb na awa' buntu kalambunanna Tasik Mate. Te'da lalo moi mesa' tau naeloran tuo, nasaba' susimi joo to Napangparentan PUANG Allataala to nasompa to-Israel.

Yosua 9:1

Ia tonna sa'dingmi to kapataloanna to-Israel to sininna raja llan kalambunanna Sa'dan Yordan, la jaona buntu, la jiongna garonto' buntu, la jiona randan Tasik Tangnga ratu re' Buntu Libanon, iamo to rajana to-Het, rajana to-Amori, rajana to-Kanaan, rajana to-Feris, rajana to-Hewi na rajana to-Yebus,

Yosua 3:10

Ianna mendo'mo Sa'dan Yordan njoloan kamu' to tombulle Patti Basse-Na Puang Allataala to ngkuasai langi' sola lino, la mikitami kumua Ia to Allataala to tuo, llanni alla'ta'. Iamo la minii nnissenni dau kumua, nang la Naula'i Puang Allataala to to-Kanaan, to-Het, to-Hewi, to-Feris, to-Girgasi, to-Amori, na to-Yebus.