Yosua 10:3 - Alkitab Duri

³ Iamo nasuai Adoni-Zedek to taunna male mparatu pepasanna lako Raja Hoham jio kota Hebron, Raja Piream jio kota Yarmut, Raja Yafia jio kota Lakhis, na Raja Debir jio kota Eglon, kumua,

Yosua 10:3 Referans Kwoze

Yosua 15:63

Moi kota Yerusalem, napumanah tooi suku Yehuda, apa te'da nakullei nnula'ii to to-Yebus to ntorroii joo kota, sanga mawatangngi. Ratu lako too allo ia to to-Yebus da'tanni torro sola suku Yehuda llan kota Yerusalem.

Yosua 14:15

Ia to kota Hebron tonna tee disanga kota Kiryat-Arba. Ia to disanga Arba, iamo pangbaraninna to-Enak. Ia joo wattu pajami to to-Israel massirari, na manyaman katuoanna.

Yosua 10:5

Sirempunmi joo rajana to-Amori lima, iamo to raja kota Yerusalem, Hebron, Yarmut, Lakhis na Eglon sola sininna surudadunna, namangtenda ntalimbung kota Gibeon la rrarii.

Yosua 10:1

Nasa'dingmi Adoni-Zedek, raja kota Yerusalem kumua mangkami natalo Yosua to to-Ai, naancuru'i to kotana, napateii to rajana, susi to mangka napugauk lako to-Yerikho sola rajana. Nasa'ding tooi kumua mangkami sibasse to to-Gibeon sola to-Israel la sisoba', nada'tan torro sola to-Israel.

Yosua 10:23

Naalaimi tau to batu dileperanni joo lo'ko', nadisolan lako Yosua joo rajana to-Yerusalem, rajana to-Hebron, rajana to-Yarmut, rajana to-Lakhis na rajana to-Eglon.

Yosua 10:34

Malemi Yosua sola sininna surudadunna ssalai kota Lakhis natarruh sau' kota Eglon, namangtenda jio mengguririkkina joo kota, namane' rrarii.