Yosua 10:29 - Alkitab Duri

²⁹ Mangkai joo too, nasalaimi Yosua sola surudadunna to kota Makeda namale rrarii to kota Libna.

Yosua 10:29 Referans Kwoze

Yosua 15:42

Denpa kasera kota laen sola to kampong mengguririkkina jao garonto' buntu. Iamo to kota Libna, Eter, Asan, Yiftah, Asna, Nezib, Kehila, Akhzib na Maresa.

Yosua 10:28

Ia joo wattu narari tooi Yosua to to-Makeda, nataloi sola rajana. Sininna tau llan joo kota napatei ngasan Yosua, te'da lalo moi mesa' naeloran tuo. Ia to rajana to-Makeda napasusii to napugauk Yosua lako rajana to-Yerikho.

Yosua 8:29

Ia to rajana to-Ai dipateii namane' ditoke' to batang rabukkuna ratu lako karuen jao kaju dipennosokan. Ia tonna kabuhmo allo, nasuami Yosua to tau nnalaii joo batang rabukkuna rajana to-Ai, namale nca'beanni lako salean babangan kota, namane' ditombonni buda batu na ratu lako too allo denpa joo batu titombon.

Yosua 8:2

Ia to to-Ai sola rajana la mupatei susi to mangka mupugauk lako to-Yerikho sola rajana ba'tu piran. Apa ia to ewananna sola patuoanna wa'ding miala mipuapai. Suai to surudadummu naden pira' membuni nnola jio mai boko' kota sadia ta'pa rrarii.”

Yosua 6:21

Sininna to to-Yerikho mate ngasan dipa'dangngi, la muane la baine, la to matua, la tomalolle'. Sininna sapin, bembala' na keledai dipatei ngasan too.

Yosua 10:30

Nabenni PUANG Allataala kapataloan to to-Israel, nataloii joo kota sola rajana. Sininna tau llan joo kota dipatei ngasan, te'da lalo moi mesa' dieloran tuo. Ia to rajana napateii Yosua susi to nagaukanni lako rajana to-Yerikho.