Yosua 10:28 - Alkitab Duri

²⁸ Ia joo wattu narari tooi Yosua to to-Makeda, nataloi sola rajana. Sininna tau llan joo kota napatei ngasan Yosua, te'da lalo moi mesa' naeloran tuo. Ia to rajana to-Makeda napasusii to napugauk Yosua lako rajana to-Yerikho.

Yosua 10:28 Referans Kwoze

Yosua 6:21

Sininna to to-Yerikho mate ngasan dipa'dangngi, la muane la baine, la to matua, la tomalolle'. Sininna sapin, bembala' na keledai dipatei ngasan too.

1 Korintus 15:25

Nasaba' la mangparentai to Almaseh sanapangbenna Puang Allataala to sininna ewalin-Na nakuasaii.

Lukas 19:27

Na ia tee too, solanni mai sininna to tonnewalina', to cia' mpurajana', mibuno ngasanni jio oloku'.’ ”

Yosua 10:39

Nataloii Yosua joo kota sola rajana, moi to kota sikandoppi'na narari tooi Yosua nataloi. Napatei ngasanni Yosua to tau llan joo kota, moi mesa' te'da lalo tau dieloran tuo. Apa to mangka nagaukanni Yosua to to-Hebron sola to-Libna susi toomi nagaukanni to to-Debir sola rajana.

Yosua 10:37

nataloi. Napateii Yosua to rajana sola sininna taunna. Moi to kota sikandoppi'na narari tooi Yosua, napateii to sininna taunna, moi mesa' te'da lalo tau tuo. Naancuru'i Yosua joo kota susi to napugauk lako kota Eglon.

Yosua 10:35

Ia bang unamo joo allo nataloii Yosua to kota Eglon, napatei ngasanni to tau llan joo kota, susi to napugauk lako to-Lakhis.

Yosua 10:32

Ia tonna duang allomo rrarii to kota Lakhis, Nabenmi PUANG Allataala kapataloan to to-Israel. Apa to napugauk Yosua jaja kota Libna, ia toomo napugauk llo' kota Lakhis, napatei ngasanni to taunna.

Yosua 10:30

Nabenni PUANG Allataala kapataloan to to-Israel, nataloii joo kota sola rajana. Sininna tau llan joo kota dipatei ngasan, te'da lalo moi mesa' dieloran tuo. Ia to rajana napateii Yosua susi to nagaukanni lako rajana to-Yerikho.

Yosua 8:2

Ia to to-Ai sola rajana la mupatei susi to mangka mupugauk lako to-Yerikho sola rajana ba'tu piran. Apa ia to ewananna sola patuoanna wa'ding miala mipuapai. Suai to surudadummu naden pira' membuni nnola jio mai boko' kota sadia ta'pa rrarii.”

Yosua 9:3

Apa ia to-Hewi to torro jio Gibeon nasa'ding tooi to apa mangka napugauk Yosua lako to-Yerikho sola to-Ai.