Yosua 10:26 - Alkitab Duri

²⁶ Napateimi Yosua joo raja lima, namane' pada ditoke' jao lima kaju dipennosokan nadipajao bang ratu lako karuen.

Yosua 10:26 Referans Kwoze

Yosua 8:29

Ia to rajana to-Ai dipateii namane' ditoke' to batang rabukkuna ratu lako karuen jao kaju dipennosokan. Ia tonna kabuhmo allo, nasuami Yosua to tau nnalaii joo batang rabukkuna rajana to-Ai, namale nca'beanni lako salean babangan kota, namane' ditombonni buda batu na ratu lako too allo denpa joo batu titombon.

Galatia 3:13

Mangkamiki' nala'bak Almaseh jio mai tampak ropu to napaden atoran agama lako kita', nasaba' te'da takullei nturu'i. Iari ssulleki' nakanna tampak ropu, susi to diuki' lan Sura' Allataala kumua, “Tampak ropu to sininna tau to mate dipampang jao kaju.”

Matius 27:25

Mebali ngasanmi tuu lako tobuda nakua, “Ake'mo na kami'mora sola bati'ki' mpuissenni to kamatean-Na.”

Ester 2:23

Ia joo akkattana joo tau sola dua diparessa tarruh na tonganna tongan susi, aranni ditoke' sola dua. Napangparentanni raja na ia joo apa jaji, diuki' lan Sura' to dinii nnuki' sininna apa jaji lan karajaan.

Yahya 19:31

Ia tonna dipampang to Puang Isa, sangngallomora na Allo Katorroan. Cia'i to pekaamberan to-Yahudi, ke mendoke' unapi jao kaju sitamben to batang rabukkuna to todipampang nadete'i Allo Katorroan. Apa pole' opi na ia joo Allo Katorroan la'bih parallu na ia to Allo Katorroan laen. Iamo joo namale to to-Yahudi lako Gubernur Pilatus meta'da nadile'toan ajena to todipampang, namane' dipupellao to batang rabukkuna jao mai kaju sitamben.