Yosua 1:8 - Alkitab Duri

⁸ Ia joo atoran to diuki' llan bo' Taurat, la tatta' mubacan umma'-Ku'. La da'tan mupelajahhi issinna, ammutatta' mpugauk ngasanni to apa diuki' llan. Ia ke mupugaukki susi joo, ia to katuoanmu la manyaman na ia to mupugaukkuna la melo assele'na.

Yosua 1:8 Referans Kwoze

Kolose 3:16

La mipallan penawa tarruhhi to pangngajaran-Na Almaseh ammituru'i. La da'tan bang kamu' siajaran misipakainga' too mpake sininna kapaissenanmi. La macanning atimmi mangkurru sumanga' lako Puang Allataala mimakkelong Zabur, kelong pangpujian ba'tu kelong laen.

Kada Bulawan 3:1

Ee anakku', danggi' mukalupaii to kuajaranko. Tuli ingaranni to parentaku'

Yahya 14:21

Ia to tontarima parenta-Ku' napugaukki, iamo tompakamoja'na'. La napakamoja' Ambe'-Ku' to tompakamoja'na'. Moi Aku' mpakamoja' todai na kupangpekitan kale-Ku'.”

Lukas 11:28

Apa mebalimi Puang Isa nakua, “La'bih masannang pole' opa to tompesa'dingngi kadan-Na Puang Allataala napugaukki!”

Matius 7:24

Mangngajahhimi Puang Isa nakua, “Iamo joo, ia to tompesa'dingngii tee kadang-Ku', napugaukki, iamo dipasusi tomandalan tangngah to mpake'deh bolana jao pondasi batu.

Matius 7:21

Mangngajahhimi Puang Isa nakua, “Te'da na ia ngasan to tau to metamba-tamba lako kale-Ku' nakua, ‘Oo Puang! Oo Puang!’ to la menjaji umma'-Na Puang Allataala. Apa iara to tau mpugauk pakkaeloran-Na Ambe'-Ku' jao suruga, la menjaji umma'-Na.

Yahya 13:17

Miissen ngasanmo tee, na masannangmo kamu' ke mipugaukki.

Yosua 1:7

Iara ia, la matappa' tonganko mubarani. La mupugauk tongan to sininna atoran to nabenko Nabi Musa tompangjaman-Na', danggi' lalo na den tangmuingaran, dikua na sininna to apa mupugauk la melo assele'na.

Efesus 4:29

Danggi' mimangkada to napumasolang tau, apa kada mpamasumanga'ra to napumelo to tossa'dingngi anna nnampa' barakka'.

Matius 12:35

Ia to tomelo penawanna, melona bangra to napau, nasaba' kameloan manda lan penawanna. Na ia to togaja', gaja'na bangra to napau, nasaba' kagajatan manda lan penawanna.

Matius 28:20

Ajahhii anna pugaukki sininna to apa mangka kuparentan kamu'! Ingaranni kumua, la kusolan tarruh kamu' ratu lako tampakkana lino.”

Pengkitanna Yahya 22:14

Masannang ia to sininna tau mangka mpemaceroi pakean malandona, nadieloran mentama joo kota nnola babangan anna wa'ding kandei to bua kaju Katuoan.

Yosua 8:34

Mangkai joo too, mpeandongngimi gamaranna Yosua mbaca sininna atoranna Nabi Musa, iamo to atoran barakka' sola petangdo.