Yakub 5:9 - Alkitab Duri

⁹ Ee, tomala'bihku'! Danggi' misipasala, anna te'da midisessa. Ingaranni: Cingga'tu'mora naratu to tomangra'tah.

Yakub 5:9 Referans Kwoze

1 Korintus 4:5

Iamo joo danggi' mimadoi' bang mpasala tau kumua tokasalan, ba'tu ntongananni kumua tomelo, sanga te'dapa nadete'i wattunna. Tajanni karatuan-Na pole' Puang, sanga Ia la nnarrangngi to apa membuni. Ia too la mpapajanni to akkattana tolino to nabunianan lan penawanna. Ia joo wattu mane'ri napuji Puang Allataala to tau, to tosipato' dipuji.

Yakub 4:11

Ee, tomala'bihku'! Danggi' miden sisaju ba'tu sipasala. Ia to tossaju ba'tu mpasala padanna tomatappa', atoran-Nara Puang Allataala to nasaju sola napasala. Na ia ammupasalai, battuananna te'da muturu'i joo atoran, apa menjajiko tomangra'tahna.

Matius 24:33

Susi toomi ke mikita ngasanmi joo tanda, la miissen kumua cingga'tu'mora angkuratu.

1 Petrus 4:9

Tarima meloi to padammi tomatappa' jio bolami, danggi' mimangnuku-nuku.

Galatia 5:26

Danggi' tamatampo, danggi' too tasipa'dikan penawa iarika sipangngimburuan.

1 Petrus 4:5

Apa la napebalii to panggaukan gaja'na lako Puang Allataala keanu'. Sadiamo Puang Allataala la rra'tah kara-karana la totuo, la tomate.

Galatia 5:14

Nasaba' sininna atoran agama dipamesa' lan mesa' parenta to diuki' lan Sura' Allataala kumua, “Pakamoja'i to padammu rupa tau susi iko mpakamoja' kalemu!”

1 Korintus 10:11

Mangka ngasanmo joo jaji lako tuu lako tau tonna anu', la mpupangngingaran tolaen. Na ia toomo nadiuki' ngasan, dikua anna pakainga'ki', nasaba' wattu la cappa'nami tee lino.

Markus 13:29

Susi toomi ke mikita ngasanmi joo tanda, la miissen kumua cingga'tu'mora angkuratu.

2 Korintus 9:7

Ia to tau pada la mangpangben situru' canning atinna. Danggi' naturu'i nuku-nuku ba'tu naparukuri, sanga iara napakamoja' Puang Allataala to tomacanning atinna mangpangben.

Pengkitanna Yahya 3:20

Pesa'dingngii tee! Ke'dehna' jio pelalan messa'da. Ianna den tau ssa'dingngi to gamarang-Ku' natimbakanni, mentamana' ssitammuanni angkikumande sola.

Yakub 4:12

Apa sitonganna mesa'ra to wa'ding mpangben atoran lako tolino sola rra'tah kara-karana, Puang Allataala mandara to makuasa, mangpasalama' na massabu'i. Jaji tomatumbaroko, ammumadoangra la mpasala padammu rupa tau?

Yakub 5:7

Ee, tomala'bihku'! La sabbara' kamu' ratu lako nadete' karatuan-Na pole' Puang Isa. Takitai to pangdusung ntajanni assele' bara'bahna. Susi tooi sabbara' ntajanni to wattu peuranan.

Yakub 5:10

Ee, tomala'bihku'! Ingaranni to nabi mangkada mpau pepasan-Na Puang. Sabbara'i nnoloi kamaparrisan, jaji alai palelean mata.