Yakub 4:8 - Alkitab Duri

⁸ Mandoppi' kamu' lako Puang Allataala, nalamandoppi' too lako kalemi. Ee, kamu' tomadosa! Danggi'mo mipugauk dosa. Na kamu' tomangdua penawa, pemeloi sipa'mi.

Yakub 4:8 Referans Kwoze

Ibrani 10:22

Iamo joo la matappa' tonganki' na la lantuk tongan penawanta' mangngolo lako Puang Allataala, nasaba' mangkamiki' dipaccingngi mpake wai malinnong anna la'pahmiki' jio mai kasalanta'.

1 Yahya 3:3

Ia ngasan to tontajan karatuan-Na pole' Almaseh njagai kalena nada'tan tangmadosa susi Puang Isa tangmadosa.

Ibrani 7:19

sanga ia to atoranna Nabi Musa te'da nakullei mpupenjaji melo tau, moi mesa'. Na ia to tarannuan tee too la'bih melo na ia to dirannuan jolona, antabarani mangngolo lako Puang Allataala.

2 Korintus 7:1

Ee, tomala'bihku' to kupakamoja'! Ia joo basse-Na Puang dipatujui ngasanki'. Iamo joo danggi'mo tapugauk sininna panggaukan sola pikkirisan tangmelo. La takalaja' takasiri' to Puang Allataala, anna te'da caccata' naputau mesaki'.

1 Petrus 3:21

Na ia joo kajajian dipasangrapangngi pangjioran to mipusalama' tee too. Ia joo pangjioran tangngia mesa' cara mbasei batang kale danggi' nacarepa, apa ia to pangjioran mesa' peta'da lako Puang Allataala na la'paran kamu' jio mai kasalan. Napasalama' kamu', sanga mangkami tuo pole' Puang Isa Almaseh jio mai kamatean.

Matius 12:33

Mangngajahhimi Puang Isa nakua, “Ia ke denni kaju melo, melo too buanna. Apa ia ke gaja'i to kaju, gaja' toda ia buanna. Buannara to dinii nnissenni kumua meloraka ba'tu gaja'raka joo garonto' kaju.

1 Timotius 2:8

Ia ke sirempunki' la umbo-umbo tanii, kukadoangngi na ia to muane to massambajang, la nturu' pakkaeloran-Na Puang Allataala, na danggi' naden kamabirisan ba'tu kasisakkan.

1 Petrus 1:22

Mangkamo mipemeloi to sipa'mi, sanga nturu'mo kamu' pangngajaran tongan jio mai Puang Allataala na danggi' mianggai'-gai' bangri mpakamoja' padammi tomatappa'. Iamo joo la sipakamoja' tongan kamu'.

Jamanna Rasulu' 15:9

Te'da napasilaenanki' Puang Allataala na bangsa laen, nadampangan too ke matappa'i.

Matius 15:2

“Ciapari na te'da naturu'i anak gurun-Ta' to ada' tojolota'? Te'da nabasei limanna jolo', namane' kumande.”

Matius 27:24

Ia tonna kitai Gubernur Pilatus kumua te'damo nalampesa'dingngii tau, na la maricumi, nnalami wai nabasei limanna jio olona tobuda namangkada nakua, “Te'da kupuissenni to kamateanna joo tau! Issenmi kamu' sola ngasan.”

Yakub 3:17

Apa ia to tonnampa' kamaccan pole jao mai, melo te'da caccana, sitarruhna sikabudan tau, mabassa, mangpasipatu, mangkamase, na tuli mpugauk kameloan, te'da narempe' sangbali na te'da too namajekkong.