Yakub 4:7 - Alkitab Duri

⁷ Iamo joo mengkaturu' kamu' lako Puang Allataala, miewai to Ballisi', nasorong boko' jio mai kamu'.

Yakub 4:7 Referans Kwoze

Efesus 4:27

anna danggi' naden wattunna Ballisi' ssede kamu' mpugauk dosa.

1 Petrus 5:6

Iamo joo, mpupengkajionganmo kamu' kalemi lako Puang Allataala to makuasa njagai kamu', ammidipamajao ke nadete'mi to wattu pura napattantu.

Ibrani 12:9

Takasiri' to ambe'ta' lan lino to mpabalahhiki'. Ia pole' oraka ke Ambe'ta' jao suruga antatanglanturu'i, tawa'ding ntarima katuoan melo te'da cappa'na.

Roma 10:3

Te'da napahangngi na te'da natarimai umbo nakua Puang Allataala mpupenjaji tomeloi to tolino. Apa napengkullei mpupenjaji tomelo kalena.

Matius 11:29

Turu'i to parenta-Ku', mipelajahhii to pangngajaran-Ku', nasaba' Aku' tee te'da kulassussai kamu', te'da kamu' to la kukita majiong, milolongan kamasannangan.

Efesus 5:21

La mangpasituru' kamu' mesa' sola mesa'. Iamo buttinna kumua mikasiri' to Almaseh.

1 Petrus 2:13

La mituru' parentana sininna tomangparenta lan lino, nasaba' iamo nakadoangngi Puang. Mengkaturu' kamu' lako Tomaraja, nasaba' iara kaminang makuasa.

Daniel 4:25

La diula'iki' jio mai tangngana tobuda, tamale tuo sola olok-olok masia'. Pitung taun masainta' la ngkande reu susi sapin, nabosokki bangki' ambun jao mai langi'. Mangkai joo too, mane'ri la taakui kumua ia to Allataala Tomala'bih ngkuasai karajaanna tolino. Nampangbengan kuasa lako inda to nakadoangngi la mangparenta.

Roma 14:11

Den diuki' lan Sura' Allataala kumua, “Nakua Puang Allataala, ‘Massapahna' kumua sininna tolino la messuju' jio olo-Ku'. Na sininna tolino la mangngaku kumua Aku'mo Puang Allataala.’ ”

Jamanna Rasulu' 26:19

Mpatarruhpa kadanna Paulus nakua, “Tomala'bihku' Raja Agripa! Tuli kupengkullei kita' nturu' meloi apa to mangka napau Puang lan joo pengkita.

Jamanna Rasulu' 9:6

Apa ke'dehmoko tee too ammumale lako joo kota. Jiopa mudipauan apa to sipato' la mupugauk.”

Daniel 4:32

La diula'iki' jio mai tangngana tau, tamale tuo sola olok-olok masia'. Na reu la mukande susi sapin. La susiko joo pitung taun masainna, arannai muakui kumua ia to Allataala Tomala'bih ngkuasai karajaanna tolino. Nampangbengan kuasa lako inda to Nakadoangngi la mangparenta.’

Efesus 6:13

Iamo joo pake ngasanmi to parewa kapararian-Na Puang Allataala, anna ia ke nadete'mo kamu' sussa, mikulle nnewai, na mangkai joo da'tan bang kamu' mawatang matappa'.