Yakub 4:12 - Alkitab Duri

¹² Apa sitonganna mesa'ra to wa'ding mpangben atoran lako tolino sola rra'tah kara-karana, Puang Allataala mandara to makuasa, mangpasalama' na massabu'i. Jaji tomatumbaroko, ammumadoangra la mpasala padammu rupa tau?

Yakub 4:12 Referans Kwoze

Roma 14:4

Tangsipato' kamu' la mpasala padammi tomatappa', nasaba' kaunanna tau laen. Na den ia Puangna nnissenni, la ke'dehrika ba'tu melolinrika. Apa la mawatangngi ke'deh, nasaba' Puang Allataala mpamawatangngi.

Roma 2:1

Iamo joo, to matumbara kamu' milampasalara tau laen? Te'da lalan la minii mpessakkanan kalemi jio mai kasalanmi. Nasaba' mpasala kamu' tau laen, na kamu' bang una mpugaukki to mipake mpasala tau, battuananna mpasala kamu' kalemi.

Matius 10:28

Danggi' mimalaja' lako tolino to batang kale manda nakulle nabuno, apa te'da nakullei mbuno penawammi. Puang Allataalara to sipato' mikalaja', nasaba' ianna mangka mbuno kamu', makuasapa Ia mpatamai naraka to batang kalemi sola penawammi.

Yakub 5:9

Ee, tomala'bihku'! Danggi' misipasala, anna te'da midisessa. Ingaranni: Cingga'tu'mora naratu to tomangra'tah.

Ibrani 7:25

Iamo joo na te'da lalo natorroii mpasalama' tau to mangngolo lako Puang Allataala mpau sangan-Na, sanga tuo tarruhhi la mpangkadananni lako Puang Allataala.

Roma 14:13

Iamo joo, danggi' tasipasala melako. La'bih melo ia ke tapengkullei anna danggi' tapugauk dosa to napusaba' na padanta' tomatappa' mpugauk toda dosa.

Roma 9:20

Ee, todipusile'to, tolino biasaki'! Na danggi' mubali-bali Puang Allataala! Te'da nawa'ding to kurin la mangkada lako tontampai kumua, “Ciapari mutampa susina' tee?”

Lukas 12:5

La kupauan kamu' to sipato' la mikalaja': Malaja' kamu' lako Puang Allataala! Nasaba' ianna mangka mbuno kamu', makuasapa Ia mpatama kamu' naraka. Ingaranni, Ia mandara to parallu mikalaja'.