Yakub 3:14 - Alkitab Duri

¹⁴ Apa ia ammipangngimburuan, ba'tu kamu' manda ssanga tau kalemi, danggi' pattuanni joo misanga kamaccan, nasaba' sisalamo to panggaukanmi na pangngajaran tongan.

Yakub 3:14 Referans Kwoze

Yakub 3:16

Sanga umbo-umbo nanii topangngimburuan na tossanga kalena ia manda tau, jio toomo nanii kamaricuan na sininna panggaukan gaja'.

1 Korintus 13:4

Ia to tompakamoja' padanna rupa tau tosabbara', tomelo penawa, tote'da napangngimburuan, tote'da napamatande kalena, tote'da namatampo,

Filipi 2:3

na danggi' miangahhi to mipumelo mesa, ba'tu pangpuji tangkebattuan. Apa sibalikanna, la mpupengkajiongan kamu' kalemi, na la mikasiri' to tau laen na kalemi.

1 Korintus 3:3

sanga mituru' unapa to kamadoangan penawammi. Sanga ia ke masere ati unapa kamu', mimassite'geh bang unapa, iamo joo mpabuttii kumua massipa' susi bangpa kamu' to totangnturu' Puang.

Roma 13:13

La maruruhki' susi kumua ratumi to kasalamatan. Danggi' mitakkajulu' gaja mangmaroah-roah, ammimalango. Danggi' manggauk sala, danggi' mipugaukki to tangsipato'na, danggi' massibobo' ba'tu masere ati.

2 Korintus 12:20

Magiangna' kumua, ia ke iti'mo', ia to kamu' te'damo misusi to kukadoangnginna, na moi tee aku' te'da toomo kususi to mikadoangnginna. Danggi' na ia ke iti'mo' anna ia mandamo kukita to tosibobo', tomapa'dik ati, topangmabirisan, tompangngundaran mesa kalena, tompau gaja' tolaen, tomangpeasa, tomatampo na tomangpasisala-sala.

Filipi 1:15

Moi naden ba'tu pira-pira tau mpangpeissenan Almaseh sanga masere atii ngkita pangjamanku' namadoangri la ssisakkanna', apa ia to tau laen situru' ia canning atinna.

Yakub 5:19

Ee, tomala'bihku'! Ingaranni tee kada kumua, ia ke den tau membalik jio mai pangngajaran-Na Puang Allataala, la mipangngingaranni namengkatoba' pole', na ia to tompangngingaranni joo tomadosa namengkatoba', iamo joo tau napusaba' nadipasalama' to sunga'na jio mai kamatean jio ahera', na didampangan, moi buda dosana. Padamo jolo' too. Sallangki' mati', Yakub.

Jamanna Rasulu' 5:17

Katampakanna magajinawai joo Imang Lompo sola taunna, iamo to torroan to-Saduki,

Titus 3:3

Nasaba' moi kita' tonna jolona bango' tooki', antalao sala, te'da too taturu' Puang Allataala. Napukaunan tooki' mangrupa-rupa kamadoangan sola pakkaeloran penawa. Mpugauk tooki' kagajatan sola masere ati, na massikaba'ci bangki'.

1 Timotius 6:4

Iamo tomatampo na te'da apa naissen. Madoang bangri la massite'geh sola massita'go anna mpaden kamasereatian, kasisalan, mpau gaja' tau, ngkabatai bang tau,

1 Korintus 5:2

Na moi madosa susi joo, kannora kamu' mpamajao penawammi. Sitonganna la massera kamu' ntangngahhi, ammipasunni lan mai tangnga-tangngami tuu joo tomanggauk susi joo.

Roma 2:8

Apa ia to tompangnginawan mesa bang kalena, na te'da namadoang mpugauk pakkaeloran-Na Puang Allataala, na nturu'ra kagajatan, liwa' nakaba'cinna Puang Allataala.

Kada Bulawan 27:4

Ia to kamabirisan mpaden kamaparrangan, na kamagallian mpaden kamasolangan, apa ia to mangngimburu la'bih maparrangpa. Indara wa'ding nnoloi?

Kada Bulawan 14:30

Ia to penawa matana mpamalagah batang kale, apa ia to mangngimburu butung saki mpamarapoh buku.

Galatia 6:13

Nasaba' ia una to tompugauk sunna', te'da naturu' ngasanni to atoran agama, apa iara nakabudai ke mpugauk kamu' sunna', anna pemajaoi penawanna kumua, “Naturu'i to-Galatia to pangngajaranki'.”

Galatia 5:26

Danggi' tamatampo, danggi' too tasipa'dikan penawa iarika sipangngimburuan.

Galatia 5:21

masere ati, pangmalangoan, takkaliwa' mangmaroah-roah na budapa to susinna joo. Ia ngasan to panggaukan susi joo kupakainga' kamu' susi to kupauan kamu' tonna tee, kumua ia to tompugaukki to susi joo, te'da namenjaji umma'-Na Puang Allataala.

Galatia 5:15

Apa ia ke sikaba'ci kamu', iarika sipa'dikan ati kamu', jagai danggi' misipandasa.

1 Korintus 5:6

Te'da lalo misipato' matampo. Tantu miissen battuananna tee pangpasusian kumua, “Ia to ragi ci'di' mpaloboh ta'pung ke mangkami dilama.”

Roma 2:17

Na ia tee too, ia to kamu' to-Yahudi, apara to nasanga penawammi? Ssangamo kamu' kalemi to-Yahudi. Mipikkiri'i kumua la salama'mo kamu', nasaba' dibenmo kamu' to atoranna Nabi Musa. Na mipumajao penawai, nasaba' disanga kamu' umma'-Na Puang Allataala.

Roma 1:29

Kagajatan mandamo lan penawanna na apa tangtongan, madoang nnassang sininna apa, tangngah gaja' na masere ati, madoang bang mangbuno, sibobo', mangnguraga, na malla' parru. Nakabudai ncurita tangtongan tau laen,

Jamanna Rasulu' 26:9

Moi aku' tonna tee kusanga gaja kuewali tooi to tonturu' Puang Isa to-Nazaret.

Jamanna Rasulu' 13:45

Ia tonna kitai to-Yahudi to tobuda, masere atimi nacapa'i to Paulus, napasala tooi sininna to napaunna.

Yahya 16:2

La diula'i kamu' lan mai bola passambajangan. La den too ia wattunna, na ia to tombuno kamu' nasangai kumua mpugaukki kameloan lako Puang Allataala.

Matius 27:18

Iamo namekutana susi joo, nasaba' naissen kumua iari napangngoloi kapala imang sola pekaamberan to-Yahudi to Puang Isa lako kalena, sanga masere atiri.

Jamanna Rasulu' 7:9

Apa masere atii to tojolota' lako mesa' sile'tona disanga Yusuf, anna balukki nadipukaunan jio tana Mesir. Apa tuli naampaii Puang Allataala,

Galatia 5:20

ssompa dewata, pangngissenan, kasisakkan, siallang, mangngimburu, kamabirisan, ngkitan mesa kale, te'da namesa' penawa, mpasisala tau,

1 Timotius 2:4

Madoangngi Puang anna dipasalama' ngasan to tau sola nnissen pangngajaran tongan, kumua

Yakub 1:18

Mangkamiki' napuanak situru' pakkaeloran-Na mpake pangngajaran tongan. Iamo napugaukki susi joo, sanga napamala'bihki' na ia to sininna olok-olok napaden.