Yakub 2:18 - Alkitab Duri

¹⁸ Apa mbai den to mangkada kumua, “Den tau matappa' manda, den too tau mpugauk manda panggaukan melo.” La kukua mpebalii, “Pakitanna' umbo nakua to tau matappa' ke te'dai napasiolanan panggaukanna, angkupakitanni panggaukan to mpamanassai kumua den kamatapparanku'.”

Yakub 2:18 Referans Kwoze

Yakub 3:13

Denraka tomacca na mandalan tangngah lan tangnga-tangngami? Ia ke denni, la mpamajiong kalena mpugauk panggaukan melo susi to napugauk tomacca. Iamo joo la mpangpekitanni kumua macca tongan ia.

1 Timotius 1:5

Ia to patunna kusuako nnanggaii, dikua namangpenawa melo to tau, nawa'ding nnissenni umbonna to melo ba'tu gaja', namatappa' tongan-tongan lako Puang Allataala, na ia ke susimi joo, wa'dingmi sipakamoja'.

Yakub 2:14

Ee, tomala'bihku' sola ngasan! Apara bua'na to tau ssanga kalena tomatappa', ke te'dai napasiolananni panggaukanna? Te'da bua'na, nasaba' kamatapparan susi joo te'da nakulle la mpasalama'i.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Titus 2:7

La mpangpekitanko sipa' melo lan sininna passalan. Susinna ia ammumangngajahhi, la mangkada tonganko ammutongan-tongannii mangngajahhi.

Roma 14:23

Apa ia to tobata ngkandei to kande, napasala Puang Allataala, nasaba' te'da napasituru'i kamatapparanna. Ia to panggaukan susi joo napumadosa.

Ibrani 11:31

Na ia joo mesa' baine bandarang disanga Rahab, te'da nadibuno susi to padanna to-Yerikho to nnewa Puang Allataala, sanga matappa'i. Nasaba' ia tonna ratu ba'tu pira-pira to to-Israel mmata-matai kota Yerikho, masannangngi ntarimai jio bolana.

Ibrani 11:33

Ia to tau susi joo budamo raja natalo, sanga matappa'i. Napugaukki to pakkaeloran-Na Puang Allataala, anna tulungngi Puang Allataala susi to napauanni. Napasitutu'i to kasongo singa,

Ibrani 11:6

Moi mesa' tau te'da napumasannang Puang Allataala ke tangmatappa'i. Ia ke den tau madoang mangngolo lako Puang Allataala, la nakatappa'i kumua den to Puang Allataala, na la nakatappa'i too kumua melo penawan-Na to Puang Allataala lako to tonnangahhi.

1 Korintus 13:2

Moi angkudiben barakka' mpangpeissenan pepasan-Na Puang, barakka' nnissen ngasanni to te'da naissenni tau, ba'tu barakka' mpahangngi to apa masussa dipahang, iarika barakka' matappa' te'da susinna lako Puang Allataala kuwa'ding mpeta'dai nadipalele to buntu jio mai ngenanna, apa ke te'dai kupakamoja' padangku' rupa tau, manassa te'da bua'ku'.

Roma 3:28

Susimi ia tee: Napupenjaji tomelo Puang Allataala to tau, ke matappa'i lako Puang Isa Almaseh, tangngia ke mpugaukki atoran agama.

2 Korintus 7:1

Ee, tomala'bihku' to kupakamoja'! Ia joo basse-Na Puang dipatujui ngasanki'. Iamo joo danggi'mo tapugauk sininna panggaukan sola pikkirisan tangmelo. La takalaja' takasiri' to Puang Allataala, anna te'da caccata' naputau mesaki'.

2 Korintus 5:17

Ia to memmesa' penawamo sola Almaseh, menjaji tau barumo. Lanynya'mi to masainna, anna menjaji baru ngasanmo.

Roma 8:1

Ia tee too te'damo nakannai pangcalla to tomemmesa'mo sola Puang Isa Almaseh,

Roma 4:6

Susimi joo to nasanga toda Raja Daud. Namangkada kumua masannang to tonapupenjaji tomelo Puang Allataala, moi na tangsipato' dipemeloi. Iamo joo namangkada nakua,

Roma 9:19

Mbai la mangkadako lako Aku' kumua, “Ciapai namangcacca bangpa Puang Allataala, na te'da tau wa'ding nnewai to pakkaeloran-Na?”