Yakub 2:15 - Alkitab Duri

¹⁵ Susinna ianna den mesa' padanta' tomatappa' tangmangtamang kale na tangsirundunan too to la nakande keallo-keallo.

Yakub 2:15 Referans Kwoze

Lukas 3:11

Mebalimi nakua, “Ia to tonnampui dua baju, la naben mesa' lako to te'da bajunna. Na ia to tonnampui kande la natawa-tawan tote'da kandena.”

Yakub 2:5

Ee, tomala'bihku' to kupakamoja'! Ingaranni tee, ia to tokaasi-asi lan tee lino, napilei Puang Allataala la menjaji tosugih lan kamatapparan. Napilei too la menjaji umma'-Na lan kaparentan-Na. Susimi joo mangka nabasse lako ia to tompakamoja'i.

Ibrani 11:37

Den to dirura batu samatena, den digaragaji, na den too dibuno pa'dang. Liu lako liu jio bang mai mangpakean balulang bembala' ba'tu beke, kaasi-asii, dipakario-rioi nadisessa.

Markus 14:7

Ia to tokaasi-asi, la den punala bang ia lan tangnga-tangngami. Na ia ke madoang kamu' ntulungngi, wa'ding bang ia moi piran. Apa ia tee Aku' te'da kutorro tarruh lan tangnga-tangngami.

Jamanna Rasulu' 9:29

Sipangkadai na sihakiki too to to-Yahudi to mangbasa Yunani ntuntun bang akkalan la mbunoi.

1 Yahya 3:17

Ia ke denni toganna'-ganna' una to apa naampui, nakitai to padanna tomatappa' te'da bang dikka' apanna, apa te'da natulungngi, te'da nawa'ding la ssanga kalena kumua tompakamoja' Puang Allataala.