Yakub 1:5 - Alkitab Duri

⁵ Ia ke den kamu' tangpadete' tangngahmi, la meta'da kamu' lako Puang Allataala nabenni kamu', sanga malaboh na masannang penawan-Na mangpabengan lako sininna tau.

Yakub 1:5 Referans Kwoze

Yahya 15:7

Ia ke da'tan kamu' memmesa' sola Aku', miingaran tooi to pangngajaran-Ku', moi apa mipeta'da lako Ambe', la naben kamu'.

Yakub 3:17

Apa ia to tonnampa' kamaccan pole jao mai, melo te'da caccana, sitarruhna sikabudan tau, mabassa, mangpasipatu, mangkamase, na tuli mpugauk kameloan, te'da narempe' sangbali na te'da too namajekkong.

Yahya 14:13

Na moi apa mipeta'da mpau sangang-Ku', la kuben kamu', anna dipakala'bih to Ambe', nasaba' Aku' tee Anak.

1 Yahya 3:22

Na apa to tapeta'da lako Ia, nabenki', nasaba' nturu'ki' parenta-Na na tapugauk too to apa napumasannang penawan-Na.

Yakub 5:16

Iamo joo pada la nnakui kamu' kasalanmi ammisipassambajangan midipamalagah. Liwa' makuasa to peta'da doangna to tonturu' pakkaeloran-Na Puang Allataala.

Yahya 4:10

Mebalimi Puang Isa nakua, “Te'da muissenni to barakka'-Na Puang Allataala na te'da too muissen kumua indara' tee mpeta'daiko wai diiso'. Ia ke la muissenni, iko pole'ra la mpeta'da wai lako Aku', angkubenko wai mangpatuo.”

Yakub 1:17

Sininna to apa melo na te'da caccana pole jao mai suruga, nabenki' Puang Allataala, to mpaden allo, bulan sola bintuin jao langi'. Te'da natibalik to sipa'-Na Puang Allataala na tatta' too to akkatta-Na.

Matius 11:20

Liwa' nacacca Puang Isa to tau lan ba'tu pira-pira kota mangka nanii mpugauk buda panggaukan mejangngaran. Nasaba' te'da namadoang mengkatoba' jio mai panggaukan gaja'na tuu lako tau.

Markus 16:14

Mangkatampakanna mpangpekitanmi kalena Puang Isa lako sangpulo mesa anak gurun-Na, tonna kumande. Nacaccai Puang Isa, nasaba' kamembattukan penawanna nacia' ngkatappa'i curitanna to tongkitami kumua tuo pole'mi Ia.

Kada Bulawan 8:17

Kupakamoja' to tompakamoja'na', na ia to tolantuk tongan penawanna nnangahna' nang la naampa'na'.