Yakub 1:19 - Alkitab Duri

¹⁹ Ee, tomala'bihku' to kupakamoja'! Ingaranni tee! La mangpesa'ding melo to tau, apa danggi' namenjolo-jolo bang mangkada na danggi' too nasalle birih.

Yakub 1:19 Referans Kwoze

Kada Bulawan 17:27

Te'da nabuda kada to toden kapaissenanna na matana bang penawanna to tomapahang.

Kada Bulawan 21:23

Ia to tote'da nasamangkadanna bang, te'da namparatuan passalan kalena.

Kada Bulawan 14:29

Ia to tosabbara' gaja mapahang, apa ia to tomadoi' bang mabirih, gaja bango'.

Kada Bulawan 10:19

Sabuda-budannai kada dipau, nang la den bang salana, apa mandalan pangtangngaranna to tomangpikkiri' jolo' namane' mangkada.

Kada Bulawan 18:13

Ia to tote'dapa nasa'ding rampa'i to kada namebalimo, iamo panggaukan gaja bango' na mangpakasiri'.

Kada Bulawan 13:3

Ia to tongkanana'i buangan kadanna ngkarewai kalena, apa ia to tosamangkadanna bang, ncilakai kalena.

Kada Bulawan 16:32

Laqbiranmo tosabbara' na ia tomakuasa, na la'biranmo to ngkuasai kale na ia to ngkuasai kota.

Efesus 4:26

Ia ke mabirih kamu', danggi' mipugauk dosa. Danggi' paratui lako kabuh allo ke mabirih kamu',

Kada Bulawan 15:18

Ia to tomadoi' bang magalli mpaden passipuran, apa ia to tosabbara' mparadan kasisakkan.

Kolose 3:8

Apa la mica'beanmi tee too to panggaukan susi joo, susinna mabirih, mangpabalah, mpugauk kagajatan, mpau gaja' tau, mangkada carepa.

Efesus 4:31

Danggi' mimapa'dik ati, mangpabalah, magalli, massipura, ngkada-kadai tau, maba'ci ba'tu laennapa.

Kada Bulawan 18:21

Ia to apa messun jio timu wa'ding mangpasalama', wa'ding too makkasolang, ia to tobuda kada la mpebuai assele' kadanna.

Kolose 3:15

Napileimo kamu' Almaseh menjaji susi lesoan batang kale-Na. La sikalino kamu' sola padammi tomatappa'. Eloranni kamasannangan to pole jio mai Almaseh, ngkuasai penawammi. La mangkurru sumanga' too kamu' lako Puang Allataala.

Kada Bulawan 19:11

Pangpikkirisan melo mpasabbara' tau, na dipuji to tau, nasaba' te'da napallan penawai to kasalan napugauk tau lako kalena.

Kada Bulawan 15:2

Ia to tomacca mpau kada kapaissenan, apa ia to messun jio timu tobattuk mpapajan kabangosanna.

Kada Bulawan 25:28

Ia to tote'da nanta'tan kalena, susii kota ro'pok bentengna.

Kada Bulawan 14:17

Ia to tomadoi' bang mabirih, mangpanggaukan bango', na ia to tompangngattai kagajatan, nakaba'ci tau.

Matius 5:22

Apa kukuan kamu' kumua, ia to tomabirih lako padanna rupa tau, la dipangngoloi lako tomangra'tah kara-kara, na ia to tongkada-kadai padanna rupa tau la dipangngoloi lako tomangparenta, na ia to tomangkada lako padanna rupa tau kumua, ‘Te'da iko bua'mu,’ sipato' dibuang tama api naraka.

Kada Bulawan 17:14

Ia to tompamulai massite'geh, pada to llo'po' lalan wai, iamo joo la'biran salai bangmi, danggi' naden kasiboboran.

Yakub 1:26

Ianna den tau ssanga kalena pangngagama, apa te'da najagai timunna, nnuragai kalena, na te'da bua'na mangngagama.

1 Tesalonika 2:13

Denpa mesa' napusaba', angkituli mangkurru sumanga' lako Puang Allataala. Iamo to kumua, ia tongkipangpeissenanni lako kamu' to kareba jio mai Puang Allataala, mipesa'dingngii mitarimai joo kareba, tangngia kumua pole jio mai tolino, apa mikatappa'i kumua pole jio mai Puang Allataala. Tongan kumua kadan-Na Puang Allataala joo kareba, to da'tan mangjama lan penawammi to tomatappa' lako Puang Isa.

Jamanna Rasulu' 17:11

Ia to to-Yahudi jio kota Berea la'bih melo ia penawanna na ia to to-Yahudi jio kota Tesalonika. Masannang ia ssa'ding karebanna Puang Isa, na allo-allo bang mbaca Sura' Allataala, madoang la nnissenni kumua sicoco'raka pangngajaranna Paulus.

Lukas 19:48

Apa te'da naampa' lalan la mbunoi, nasaba' sininna tobuda ngkabudaii, na napesa'dingngii to pangngajah-Na.

Markus 2:2

Budami tau ratu sirempun, nate'damo ngenan lo'bang lan bola. Moi jio pelalan ponno tau mpesa'dingngii, tonna mpangpeissenan Kareba Kasalamatan jio mai Puang Allataala.

Kada Bulawan 19:19

Ake' na ia to tomadoi' bang mabirih mperasai assele' kamabirisanna, nasaba' ia ke ditulungngi, kannori samabirih-birihna.

Jamanna Rasulu' 10:33

Iamo joo kuta'pa madoi' ssua tau male ntambaiko. Na melomi sanga maringngan penawa unako ratu. Ia tee kami' sirempun ngasanmokan jio olo-Na Puang Allataala la ssa'dingngi sininna to nasuanko Puang Allataala la mpauankan.”

Jamanna Rasulu' 2:42

Nalundukki tarruh melajah lako rasulu' to tau. Na tuli sirempun too kumande sola, mpugauk Kakumandean Macero na massambajang.

Lukas 15:1

Den pissen naratu buda to passassung sola tonasangamo tau togaja' mpesa'dingngi Puang Isa.

1 Yahya 2:21

Jaji kuukiran kamu' tee sura' te'da kumua tangmiissenpi to pangngajaran tongan, apa sibalikannari. Miissen toomo kumua te'da pangnguraga lan joo pangngajaran tongan.

Jamanna Rasulu' 13:48

Ia tonna sa'dingngi bangsa tangngia to-Yahudi joo, masannang ngasan na mpakala'bih kadan-Na Puang. Na memmatappa' lako Puang Isa sininna to tonapattantumo Puang Allataala la nnampa' katuoan melo te'da cappa'na.

Markus 12:37

Jaji ia ke Raja Daud mpekapuangngii joo Raja Mangpasalama', matumbai nalabati'na Raja Daud?” Ia to tobuda lan Bola Puang Allataala masannangngi ssa'ding Puang Isa mangngajahhi.

Kada Bulawan 29:20

Den una ia dirannuanna to tobattuk, na ia to tomesa mangkadanna bang.

Jamanna Rasulu' 1:15

Den wattu, tonna sirempun agi-agi saratuh duang pulo tomatappa', ke'dehmi Petrus mangkada nakua,

Yakub 1:2

Ee, tomala'bihku'! Ianna kanna kamu' mangrupa-rupa pecoba, la misangai kumua tomasannang kamu'.

Yakub 1:16

Ee, tomala'bihku' to kupakamoja'! Danggi' miuraga kalemi.

Yakub 2:1

Ee, tomala'bihku' sola ngasan, tomatappa' lako Puang Isa Almaseh, Puang mala'bih! Danggi' mipasilaenan tau.

Yakub 2:5

Ee, tomala'bihku' to kupakamoja'! Ingaranni tee, ia to tokaasi-asi lan tee lino, napilei Puang Allataala la menjaji tosugih lan kamatapparan. Napilei too la menjaji umma'-Na lan kaparentan-Na. Susimi joo mangka nabasse lako ia to tompakamoja'i.

Yakub 3:10

Ia to timunta' nanii messun barakka', apa ia bang una nanii messun tampak ropu. Ee, tomala'bihku'! Danggi' misusi joo!

Yakub 4:11

Ee, tomala'bihku'! Danggi' miden sisaju ba'tu sipasala. Ia to tossaju ba'tu mpasala padanna tomatappa', atoran-Nara Puang Allataala to nasaju sola napasala. Na ia ammupasalai, battuananna te'da muturu'i joo atoran, apa menjajiko tomangra'tahna.

Yakub 5:12

Ee, tomala'bihku'! Ia to kaminang parallu danggi' mimassapah la mpau langi', la mpau lino, ba'tu apa toomo. Pau maruruhhi, “Io” ke mipugaukki, na “Te'da” ke te'da mipugaukki, anna danggi' nasessa kamu' Puang Allataala.

Yakub 5:19

Ee, tomala'bihku'! Ingaranni tee kada kumua, ia ke den tau membalik jio mai pangngajaran-Na Puang Allataala, la mipangngingaranni namengkatoba' pole', na ia to tompangngingaranni joo tomadosa namengkatoba', iamo joo tau napusaba' nadipasalama' to sunga'na jio mai kamatean jio ahera', na didampangan, moi buda dosana. Padamo jolo' too. Sallangki' mati', Yakub.