Yahya 9:7 - Alkitab Duri

⁷ Mangkai joo too nakuanmi, “Malemoko mendau' jiong kollang Siloam.” (Siloam, battuananna disua.) Malemi mendau', na ia tonna polemo, pakitami.

Yahya 9:7 Referans Kwoze

Yahya 11:37

Apa ba'tu pira-pira to tau nakua, “Na ia mpapakita tobuta, te'daraka nakullei mpamalagahhi to Lazarus nadanggi' namate?”

Yahya 9:11

Mebalimi joo tomangka buta nakua, “Ia to disanga Puang Isa mpupellombui to litak ci'di', napapa'dii to matangku', namane' ngkuanna', ‘Malemoko mendau' jiong kollang Siloam.’ Angkumale, na ia tongkumangkamo mendau', pakitamo'.”

Jamanna Rasulu' 26:18

mpami'cikki to matanna, ssolanni jio mai kamalillinan lako macerona, lla'paranni jio mai kuasanna Ballisi' lako kuasan-Na Puang Allataala, anna didampangan, namenjaji umma'-Na to napilei Puang Allataala, sanga matappa'i lako Aku'.’ ”

Lukas 13:4

Na umbo toda ia nakua to sangpulo karua tau to mate jio Siloam tonna songkaii bola batu matande? Misangaraka kumua iamo joo mpattantui kumua la'bih buda dosana na ia to tau leko' to torro jao kota Yerusalem?

Galatia 4:4

Apa ia tonna dete'mi to wattu napattantu Ambe' Puang Allataala, nasuami to Anak Allataala mentama lino. Najajianni mesa' baine, na nturu' atoran agama,

Roma 8:3

Ia to atoran agama te'da nakullei lla'paranki' jio mai kuasa dosa, nasaba' tangtakulle nturu' atoran agama. Apa ia to tangnakulle atoran agama mpugaukki, mangkami napugauk Puang Allataala. Nasuai to Anak mentolino. Na ia to batang kale-Na susi bang batang kale tolino biasa. Na ia tee Anak matei dikua anna ia to dosana tolino dipabalahhi lakoi batang kale-Na Anak.

Yahya 10:36

matumbai misangana' ncapa' Puang Allataala, ke kukua ‘Anak Allataalana'’? Na Ambe' Ia mpileina' nasuana' tama lino.

Yahya 9:39

Nakua Puang Isa, “Ratuna' tama lino la rra'tah kara-karana tolino, anna ia to tobuta la pakitai, na ia to topakita, la membutai.”

Lukas 2:32

Iamo mpakanassai to pakkaeloran-Ta' lako bangsa tangngia to-Yahudi, na mpaden kamala'biran lako umma'-Ta' Israel.”

Matius 11:5

Pakitamo to tobuta, lumingkamo to tokupi', dipamalagahmo to tomasolak, pasa'dingmo to tomataru, dipatuomo to tomate, na dipangpeissenanmo to Kareba Kasalamatan lako tomakario-rio.