Yahya 8:54 - Alkitab Duri

⁵⁴ Mebalimi Puang Isa nakua, “Ia ke la kupakala'bihhi to kale-Ku', moi ci'di' te'da bua'na. Apa Ambe'-Ku'ra mpakala'bihna'! Ia toomo misanga Puangmi.

Yahya 8:54 Referans Kwoze

Yahya 8:50

Tangngia Aku' nnangaran kadipujian kale-Ku', apa Puang Allataalara to mpujina'. Na tongan to kanapujian-Ku'.

Kada Bulawan 25:27

Te'da namelo to takkaliwa' nniso' canik, susi toomi te'da namelo to madoang bang napuji tau.

2 Petrus 1:17

Nasaba' ia tonna lan unapa lino Puang Isa, den pissen kisola jao buntu, angkikitai to kamala'biran-Na sola kamatongkoan-Na to nabenni Ambe' Puang Allataala. Ia joo wattu den gamaran-Na Tomakuasa kisa'ding kumua, “Iamo tee to Anak kupakamoja' to mpamasannangna'.”

2 Korintus 10:18

Nasaba' ia to tompuji kalena, te'da naissenni kumua la natarimaraka Puang Allataala. Iara to tonapuji Puang Allataala nnissenni kumua natarimai Puang Allataala.

Jamanna Rasulu' 3:13

Ia to Puang Allataala nasompa tojolota' Nabi Ibrahim, Ishak na Yakub, Iamo mangka mpakala'bih Puang Isa, kaunan-Na. Iamo joo Puang Isa to mipangngolo lako tomangparenta, micia' too ntarimai tonna la lla'paranni Pilatus.

Yahya 17:1

Ia tonna mangkamo Puang Isa mpaui joo, mentingngarami de' langi' nakua, “Oo Ambe', nadete'mi wattunna. Pakala'bihmo' tee Aku' Anak, angkupakala'bih tooki'.

Yahya 8:41

Panggaukanna kamu' ambe'mi mipugauk.” Mebalimi nakua, “Tangngiakan to dijajian jio mai panggaukan sala. Mesa'ra ambe'ki', Puang Allataala manda.”

Yahya 7:18

Na ia to tompangpangngajaran ia kamaccanna, iamo to nnangaranra kadipujian kalena. Apa ia to tonnangaran kadipujian to tossuai, iamo to maruruh penawa, to te'da namangnguraga.

1 Petrus 1:21

Almasehmora ammimatappa' lako Puang Allataala, to mangka mpatuo pole'i jio mai kamatean, na mpakala'bih tooi. Jaji, Puang Allataalara mikatappa'i, na Ia manda toora miparannuan.

1 Petrus 1:12

Napauanni Puang Allataala tuu lako nabi, kumua ia joo apa napau jolo te'da nadipatuju lako kalena apa lakora kamu'. Na ia joo apa napau jolo tonna anu' mangka misa'ding tee too, sanga den tau mpangpeissenanni lako kamu' mpake kuasan-Na Roh Allataala to pole jao mai suruga. Na moi malaeka' madoang too mpelalanni joo apa dipau jolo.

Yahya 17:5

Oo Ambe'! Pakala'bihmo' tee too. Ben pole'mo' to kamala'biran kuampuimo tontasola unapa, tonna te'dapa nadipaden tee lino.

Yahya 7:39

(Ia to nasanga wai katuoan, iamo to Roh Allataala, to la natarima tomatappa' lako kale-Na. Ia joo wattu ia to Roh Allataala te'dapa nadipangben, nasaba' te'dapa nadiangka' to Puang Isa de' suruga.)

Yahya 5:41

Te'da kuparallu nakasiri' tolino.

Yahya 2:11

Jiomo kota Kana tana Galilea nanii Puang Isa mpugaukki joo tanda mejangngaran. Iamo joo tanda mejangngaran bungah napugauk, nanii mpangpekitan kamala'biran-Na, nakatappa'ii anak gurun-Na.