Yahya 8:46 - Alkitab Duri

⁴⁶ Te'da bang kamu' ngkullei mpamanassai kumua den dosa jio kale-Ku'. Na ia ke mpauna' katonganan, ciapari na te'da mimatappa'?

Yahya 8:46 Referans Kwoze

Ibrani 4:15

Ia joo Imang Lompota' naissen to katangpakulleanta', sanga mangkami dipengkulle-kullei disede mpugauk dosa susi kita', apa te'da napugauk dosa.

Yahya 14:30

Te'damo nabuda bang la kupauan kamu', nasaba' wattunnami la ratu to Ballisi', to ngkuasai tee lino. Apa te'da nakuasaina'.

Yahya 8:7

Apa ia tonna dikutanai tarruh bang, ke'dehmi, namane' mpebalii nakua, “Indara kamu' to te'da namadosa, iamo jolo' la llekko'i batu tee baine.”

Markus 11:31

Sipangkada-kadami nakua, “Ia antamebali kumua, ‘Kuasa pole jio mai Puang Allataala’, la nakuanki', ‘Ciapai na te'da mikatappa'ii to pangngajahna Nabi Yahya?’

Matius 21:25

Indara mbenni kuasa Nabi Yahya njio' tau? Puang Allataalaraka iarika tolino?” Sipangkada-kadami nakua, “Ia antamebali kumua, ‘Kuasa pole jio mai Puang Allataala’, la nakuanki', ‘Ciapai na te'da mikatappa'ii to pangngajahna Nabi Yahya?’

1 Petrus 2:22

Te'da lalo napugauk dosa, te'da too naden tau ssa'dingngi kumua mangnguragai.

Ibrani 7:26

Jaji, iamo Imang Lompo taparallui to Puang Isa. Tomelo Ia, te'da sala-Na ba'tu kakurangan-Na. Todipatorro leko' jio mai tomadosa, na dipaendek de' la'bih majaona na ia to langi'.

2 Korintus 5:21

Puang Allataala mpabalahhi Almaseh moi na te'da namadosa. Ia ssulleki', nasaba' dosata', anna pupenjaji tomeloki' nasaba' memmesa' penawaki' sola Almaseh.

Yahya 18:37

Mekutana omi Gubernur Pilatus lako Puang Isa nakua, “Ia ke susii joo, Rajarokoka?” Mebalii Puang Isa nakua, “Susi tuu tapaunna kumua Rajana'. Dijajianna' kumentama lino mesa'ra akkatta-Ku', iamo to la mpamanassa katonganan. Ia to topole jio mai katonganan, napesa'dingngina'.”

Yahya 16:8

Na ia ke ratumi to Roh Allataala la napamanassai kumua sala to tolino. La napamanassai lako tolino apa to disanga dosa, pangsessa-Na Puang Allataala na kumua totangmadosana'.

Yahya 15:10

Ia ke mituru'i to pakkaeloran-Ku', la da'tanna' mpakamoja' kamu', susi Ambe' da'tan mpakamoja'na', sanga nturu'na' pakkaeloran-Na.

Yahya 8:47

Ia to topole jio mai Puang Allataala nakabudai mpesa'dingngi kadan-Na Puang Allataala. Apa ia to kamu' cia' kamu' mpesa'dingngii, sanga te'da mipole jio mai Puang Allataala.”