Yahya 8:37 - Alkitab Duri

³⁷ Kuissen kumua bati'na kamu' Nabi Ibrahim, apa den tau lan tangnga-tangngami nnangah lalan la mbunona', nasaba' cia'i ntarimai to pangngajah-Ku'.

Yahya 8:37 Referans Kwoze

1 Korintus 2:14

Ia to tote'da naampui Roh Allataala, te'da natarimai to apa naajaranni Roh Allataala, nasaba' nasangari ia curita tangtongan. Te'da nakullei mpahangngi apa to naajaranni Roh Allataala, sanga iapi napahangngi ke denni Roh Allataala lan kalena joo tau mpapahangngii.

Roma 9:7

Te'da na ia ngasan to bati'na Nabi Ibrahim menjaji umma'-Na Puang Allataala, nasaba' nakua Puang Allataala lako Nabi Ibrahim kumua, “Bati'na manda Ishak to disanga bati'mu situru' basse-Ku'.”

Yahya 7:1

Mangkai joo too, malemi Puang Isa ngguririkki tana Galilea. Cia'mi pole lako tana Yudea, sanga ia to pekaamberan to-Yahudi jio nnangah bangmo lalan madoang la mbunoi.

Yahya 8:59

Ia tonna sa'dingngi to-Yahudi joo kadan-Na, pada nnalai batu la nalekkosanni samate-Na, apa membunii Puang Isa, namane' male ssalai Bola Puang Allataala.

Jamanna Rasulu' 13:26

Ee todipusile'to, la kamu' to bati'na Nabi Ibrahim, la kamu' to ssompa todamo Puang Allataala! Mangkamo kamu' naparatuan Puang Allataala to Kareba Kasalamatan.

Yahya 8:43

Manassa iamo nate'da mipahangngi to buangan kadang-Ku', nasaba' cia' kamu' mpesa'dingngi pangngajaran-Ku'.

Yahya 11:53

Mangpamulami joo wattu mesa' kadai to pekaamberan to-Yahudi la mbunoi to Puang Isa.

Yahya 7:19

Mangkamo kamu' naben Nabi Musa to atoran-Na Puang Allataala tonna anu'! Apa te'da bang kamu' nturu'i joo atoran-Na. Ciapari milambunona'?”

Yahya 10:31

Nnala pole' omi batu to to-Yahudi la nalekkosanni to Puang Isa.

Yahya 8:6

Naanggai' mekutana susi joo la ncobai to Puang Isa dikua nawa'ding mpasalai. Apa cukku bangngi Puang Isa, na mpangngukiran jarin-Na do' litak.

Yahya 7:25

Ba'tu pira-pira to to-Yerusalem mangkada kumua, “Tangngiaraka tee to todiangah bang la dibuno?

Yahya 5:44

Umbo la mikua matappa' lako Aku', ke nnangahra kamu' kadipujian jio mai padammi tolino, na te'da miangahhi to kadipujian pole jio mai Puang Allataala te'da susinna.

Matius 13:15

Nasaba' liwa'mo membattuk tee bangsa, namataru talinganna, na mpamamma' matanna. Ia tee jaji dikua danggi' napakita matanna, nadanggi' namangpesa'ding talinganna, nadanggi' napahangngi, nadanggi' namengkatoba' lako kale-Ku', anna danggi' kupamalagahhi.’ ”

Yahya 8:33

Mebalimi joo tau nakua, “Bati'nakan Nabi Ibrahim. Te'dapa kami' naden tau mpukaunankan. Na apara tuu tasanga kumua, la dila'parankan?”

Matius 3:9

Danggi' misangai kumua te'damo miladicalla, nasaba' bati'na kamu' Nabi Ibrahim. La mikatappa'i kumua, makuasa to Puang Allataala mpupenjaji bati'nai Nabi Ibrahim tee mai batu!

Yahya 8:56

Ia to tojolota' Nabi Ibrahim gaja sannang la ngkita allo karatuan-Ku'. Nakitamo tee too namasannangmo.”

1 Yahya 2:14

Ee, kamu' to anak! Kuukiran kamu' tee, nasaba' miissenmo to Ambe', Puang Allataala. Ee, kamu' to ambe'! Kuukiran kamu' tee, nasaba' miissenmo to Kada mangpatuo to denmo mammula jiona mai. Ee, kamu' tomalolle'! Kuukiran kamu' tee, nasaba' matappa' tonganmo kamu', miparinawai to kadan-Na Puang Allataala, ammitaloimi to Ballisi'.