Yahya 7:37 - Alkitab Duri

³⁷ Ia tonna allo cappa'namo joo pangramean Pondo' Daun, ia toomo allo kaminang parallu, ke'dehmi Puang Isa mangkada mpematonggoi gamaran-Na nakua, “Ia to tomawakke, la ratui lako Aku', namangngiso'.

Yahya 7:37 Referans Kwoze

Yahya 4:14

Apa ia to tonniso'i to wai la kupangben, te'da lalomo nalamawakke. Sanga ia joo wai la kubenni la menjaji susi kalimbuah tangmate lan kalena na lolong messun mbenni katuoan melo te'da cappa'na.”

Yahya 6:35

Nakua omo Puang Isa, “Aku'mo kande to mben katuoan tolino. Ia to toratu lako Aku', te'da tarruhmo nalatangbarah. Ia to tomatappa' lako Aku', te'da tarruh toomo nalamawakke.

Pengkitanna Yahya 22:17

Mangkadai Roh Allataala sola Tobotting Baine nakua, “Malemo kamu' mai!” Ia to tau ssa'dingngi tee, la mangkada todai nakua, “Male kamu' mai!” Inda-inda to mawakke, la maleri mai! Inda-inda to ngkadoangngii, la naalari joo wai mangpatuo to tangdialli.

Yahya 4:10

Mebalimi Puang Isa nakua, “Te'da muissenni to barakka'-Na Puang Allataala na te'da too muissen kumua indara' tee mpeta'daiko wai diiso'. Ia ke la muissenni, iko pole'ra la mpeta'da wai lako Aku', angkubenko wai mangpatuo.”

Pengkitanna Yahya 21:6

Anna mangkada nakua, “Mangkami. Aku'mo pamulanna, Aku' toomo cappa'na. Aku'mo Puang mellao jiona mai ratu lako cappa'na. Ia to tomawakke la kupaiso' wai jiong mai kalimbuah mangpatuo.

Pengkitanna Yahya 22:1

Na ia joo malaeka' mpakitanna' to sa'dan malinnong cumbillan susi kristal. Ia to wainna mangpatuo, lolong jio mai cadokkoan mala'bih-Na Puang Allataala na Anak Bembala',

1 Korintus 12:13

Jaji, ia to kita' tomatappa' dipupenjaji ngasanmiki' mesa' lan Almaseh, nasaba' pada najio'miki' Roh Allataala. La kita' to-Yahudi, la kita' bangsa tangngia to-Yahudi, la kita' tokaunan, la kita' tomaradeka, pada ngasanmiki' ntarima mesa' Roh Allataala.

Yahya 6:55

Nasaba' ia to batang kale-Ku', iamo kande tongan, na ia to rara-Ku', iamo apa diiso' tongan.

Matius 11:28

Ee kamu', tomasussa penawa sola totangmasannang, nasaba' atoran masussa to nakabua' guru agama. Malemo kamu' mai, angkupemasannangngi kamu'.

1 Korintus 10:21

Te'da lalo miwa'ding nniso'ii cangkiri'-Na Puang, ammilanniso'i too cangkiri'na setang. Te'da too miwa'ding kumande jio meja-Na Puang, ammilakumande too jio mejana setang.

1 Korintus 10:4

sola nniso' to wai naben tooi Puang Allataala. Ia joo wai messun jio mai buntu batu to nasolan anna putuoi. Ia joo buntu batu, iamo Almaseh.

Efesus 5:18

Danggi' mimalango nasaba' ia mpaden panggaukan gaja', apa eloranni to Roh Allataala ngkuasai kamu'.

1 Korintus 11:25

Susi too tonna mangkamo kumande, nnalami isotan anggoro' nakua, “Ia tee anggoro' nanii titanan basse barun-Na Puang Allataala, napaassah to'doan rara-Ku'. Pugaukki susi tee, minii nningaranna', ke miiso' oi.”

Yahya 14:6

Mebalimi Puang Isa nakua, “Aku'mo minii nnissen Puang Allataala sola nnampa' katuoan. Moi mesa' tau te'da nakullei ratu lako Ambe', ke te'dai kupuissenni.

Yahya 6:37

Sininna to tonapangben Ambe' lako Aku', iamo la ratu lako kale-Ku'. Na moi inda ke ratumi, te'da kutanglantarimai.

Yahya 5:40

apa cia' kamu' ratu lako kale-Ku', ammiampa' katuoan melo te'da cappa'na.

Yahya 1:23

Mebalimi Nabi Yahya mpau kadanna Nabi Yesaya kumua, “Aku'mo tee to metamba-tamba jio padang pallawangan nnajahhi tobuda kumua, ‘Ranteii to lalan la naola Puang!’ ”

Yahya 7:28

Ia tonna mangngajahhi Puang Isa jio rante Bola Puang Allataala, naandongngi gamaran-Na nakua, “Mipikkiri' kumua miissen indana' tee, na topole umbona'. Apa ia to karatuan-Ku' te'da naeloh-Ku', apa nasuana' Puang Allataala to sipato' dikatappa'i, na Iamo te'da miissenni.

Kada Bulawan 8:3

jio tooi babangan lalan mentama kota mpeandongngi mangkada nakua,

Matius 3:3

Nasaba' iamo tee to nasanga Nabi Yesaya tonna anu' kumua, “Den tau metamba-tamba jio padang pallawangan nnajahhi tobuda kumua, ‘Pasadianni lalan to Puang, ranteii to lalan la naola.’ ”

Kada Bulawan 9:3

Nasuai to pangjamana baine male metamba-tamba mpau pepasanna jao ngenan majao llan kota nakua,

Kada Bulawan 8:1

Pesa'dingngii! Ia to kamaccan butung baine metamba-tamba. Na kamapahangan, butung to tometamba mpeandongngi gamaranna,

Kada Bulawan 1:20

Pesa'dingngii! Kamaccan susi to tometamba jio lalan, susii tau mpeandongngi gamaranna jio pasa',

Kada Bulawan 8:17

Kupakamoja' to tompakamoja'na', na ia to tolantuk tongan penawanna nnangahna' nang la naampa'na'.

Matius 5:6

Masannang to tau mamali' mpugauk pakkaeloran-Na Puang Allataala, nasaba' la naben Puang Allataala to apa nakamali'.

Yahya 4:11

Nakua joo baine ngkuanni, “Ee Puang, napole umbo la tanii nnampa'i joo wai mangpatuo, na te'da siok taampui, anna liwa' mandalan tee bubun.