Yahya 7:33 - Alkitab Duri

³³ Ia joo wattu nakua Puang Isa lako tobuda, “Cingga'tu'mora nate'damo tasola, sanga la polemo' lako to tossuana' ratu.

Yahya 7:33 Referans Kwoze

Yahya 16:5

Apa ia tee too, la polemo' lako tossuana'. Na moi mesa' te'da bang kamu' ngkutanaina' kumua, ‘Umbora la tanii male?’

Yahya 13:33

Oo anak-Ku' sola ngasan. Te'damo kumasai torro ssolan kamu'. La miangahna', apa susi to mangka kupauan pekaamberan to-Yahudi, na moi kamu' kupauan toomo kumua ia to kunii male, te'da mikullei ratu lako.

Yahya 17:13

Na ia tee too la polemo' lako Ambe'. Kupau ngasanni tee tongkulan unapa lino, anna wa'ding liwa' masannang tuu lako taun-Ta' susi Aku' masannang.

Yahya 17:11

Na ia tee too la polemo' lako Ambe'. Te'damo kulatorro lan lino, apa lan unapi lino tuu lako taun-Ta'. Oo, Ambe' mala'bih! Kuasan-Ta', to mangka tabenna', nnampaii tuu lako taun-Ta', na memmesa' susi Ambe' na Aku'.

Yahya 16:28

Topole jiona' mai Ambe', kumentama lino. Na ia tee too la kusalaimi tee lino, kupole pole' lako Ambe'.”

Yahya 16:10

La napamanassa too kumua totangmadosana', sanga polena' lako Ambe' natarimana', na te'damo milangkitana'.

Yahya 14:19

Cingga'tu'mora na te'damo nakitana' tolino. Apa ia to kamu' la mikitana'. La tuo kamu', nasaba' tuona'.

Yahya 13:3

Naissen Puang Isa kumua sininna kuasa napaben ngasanmo Ambe' lako kale-Na. Naissen too kumua topole jioi mai Puang Allataala, na la pole lako pole' tooi Ia Puang Allataala.

Yahya 13:1

Sangngallopa na pangramean Paskah, naissenmi Puang Isa kumua nadete'mi wattunna la ssalai tee lino la pole pole'i lako Ambe'-Na. Napakamoja' to sininna tau lan lino to tonturu'mi, nada'tan la napakamoja' ratu lako kamatean-Na.

Markus 16:19

Ia tonna mangkamo Puang Isa sipangkada sola anak gurun-Na, tiangka'mi de' suruga, na cumadokko jio sa'de kanan-Na Puang Allataala.

Yahya 9:4

Ianna allo unapa, la tajamai to jaman-Na to tossuana'. Ia ke bongimi, moi mesa' tau te'damo ngkullei mangjama.

Yahya 14:12

La miingaran tee kadang-Ku' kumua, ia to tomatappa' lako Aku', la napugauk to apa mangkamo kupugauk. La'bih matonggo pole'pa ia to la napugauk, nasaba' malena' kutorro sola Ambe'-Ku'.

Yahya 14:28

Misa'dingmo kukua, ‘La malena', apa la ratu unapa' lako kalemi.’ Ia ke mipakamoja'na', la masannang kamu' kumale lako Ambe', sanga la'bih makuasa ia to Ambe' na Aku'.

Yahya 20:17

Nakua Puang Isa ngkuanni, “Danggi' kaka'na', nasaba' te'dapa kumale de' Ambe'. Apa malemoko lako sile'to-Ku', mupauanni kumua la polemo' de' Ambe'-Ku', na Ambe'na too, Puang-Ku' na Puangna.”