Yahya 7:30 - Alkitab Duri

³⁰ Ia joo wattu den tau pada nnangah lalan la njokkoi, apa moi mesa' tau te'da barani njokkoi, nasaba' te'dapa nadete'i wattunna.

Yahya 7:30 Referans Kwoze

Yahya 10:39

Nadadu' unapi to tau la njokko Puang Isa, apa mpella'paranni kalena.

Yahya 8:20

Ia tee kada napau Puang Isa tonna mangngajahhi jio rante Bola Puang Allataala sikandoppi' patti doi' sudakka. Apa moi mesa' tau te'da njokkoi, nasaba' te'dapa nadete'i wattunna.

Yahya 7:6

Nakua Puang Isa ngkuanni, “Te'dapa nadete'i wattung-Ku'. Ia ke kamu', sininna wattu wa'ding ngasan minii male.

Yahya 7:32

Nasa'dingngi to-Farisi to tobuda ncurita membuni Puang Isa. Iamo joo namesa' kada sola kapala imang ssuai to ba'tu pira-pira pangjagana Bola Puang Allataala la njokkoi.

Yahya 11:57

Ia to kapala imang sola to-Farisi, mangkamo mpau parenta kumua, “Ia to tonnissenni to nanii torro Puang Isa, la napau nadijokko.”

Yahya 9:4

Ianna allo unapa, la tajamai to jaman-Na to tossuana'. Ia ke bongimi, moi mesa' tau te'damo ngkullei mangjama.

Yahya 8:59

Ia tonna sa'dingngi to-Yahudi joo kadan-Na, pada nnalai batu la nalekkosanni samate-Na, apa membunii Puang Isa, namane' male ssalai Bola Puang Allataala.

Yahya 8:37

Kuissen kumua bati'na kamu' Nabi Ibrahim, apa den tau lan tangnga-tangngami nnangah lalan la mbunona', nasaba' cia'i ntarimai to pangngajah-Ku'.

Yahya 7:19

Mangkamo kamu' naben Nabi Musa to atoran-Na Puang Allataala tonna anu'! Apa te'da bang kamu' nturu'i joo atoran-Na. Ciapari milambunona'?”

Yahya 7:8

Jolomo kamu' male lako joo pangramean, te'da kulamale, sanga te'dapa nadete'i wattung-Ku'.”

Lukas 22:53

Allo-allo solaki' jio Bola Puang Allataala, na te'da mijokkona'. Apa iamo tee wattunna minii sola kuasanna Ballisi' la mangpugauk.”

Lukas 20:19

Naissen guru agama sola kapala imang kumua iara napapatui joo kadan-Na Puang Isa. Iamo joo napengkulle-kulleimi la njokkoi, apa malaja'i lako tobuda.

Markus 11:18

Ia tonna sa'dingngi kapala imang sola guru agama joo kadan-Na Puang Isa, nnangahmi lalan la mbunoi. Apa malaja'i, nasaba' jangngah ngasan tuu lako tobuda ssa'dingngi to pangngajah-Na.

Matius 21:46

Iamo joo napangngattaimi la njokkoi, apa malaja'i lako tobuda, nasaba' nasanga ia tobuda kumua nabi to Puang Isa.

Yahya 10:31

Nnala pole' omi batu to to-Yahudi la nalekkosanni to Puang Isa.

Matius 12:14

Apa ia joo to-Farisi messunmi lan mai bola passambajangan, namale sipangkada-kada la mbunoi to Puang Isa.