Yahya 7:3 - Alkitab Duri

³ Iamo joo nakua to sile'to-Na ngkuanni, “Salaimi tee tana Galilea, mupolemo sau' tana Yudea, nakita tooi to tonturu'ko to tanda mejangngaran mupugauk.

Yahya 7:3 Referans Kwoze

Matius 12:46

Ia tonna mangkada unapa to Puang Isa lako tobuda, ratumi indo-Na sola sile'to-Na, najenjen bang jio salean. Madoangngi ssikitanni, apa te'da lalan naola, nasaba' gaja buda tau ntalimbungngi to Puang Isa.

Yahya 7:5

Iamo namangkada susi joo to sile'to-Na, sanga moi ia te'da toda nakatappa'ii.

Jamanna Rasulu' 2:14

Ke'dehmi Petrus sola joo sangpulo mesa rasulu' laen, naandongngii mangkada mpangpeissenanni lako tobuda nakua, “Ee, kamu' to kupusile'to, la kamu' to-Yahudi na kamu' sola ngasan to ntorroi kota Yerusalem! Pesa'dingngi meloi tee kadangku'.

Yahya 7:10

Ia tonna laba'mo to sile'to-Na male lako pangramean, mane'ri undi Puang Isa, apa te'da naissenni tau.

Lukas 8:19

Ia tonna mangkamo joo, ratumi indo-Na sola sile'to-Na Puang Isa, apa te'da nakullei sikita, nasaba' gaja buda tau ntalimbungngi to Puang Isa.

Markus 3:31

Ia tonna mangkamo joo, ratumi indo-Na sola sile'to-Na Puang Isa. Jenjen bangngi jio salean, nasua tau male ntambai.

Markus 3:21

Na ia tonna sa'dingmi rapunna Puang Isa to ianna joo, malemi la nnalai to Puang Isa, nasaba' nakua tuu lako tau, “Mamemi Ia”.

Yahya 2:2

Dipauan tooi Puang Isa sola anak gurun-Na naratu.

Yahya 6:60

Ia tonna mangkamo to tobuda ssa'dingngi joo kadan-Na Puang Isa, budai to tonturu'i kumua, “Ah, gaja sussa tee pangngajah, na indara ia la ntarimai!”

Yahya 6:66

Mammula joo wattu buda tau mboko'i pole'i, na cia'mo nturu'i.

Yahya 7:4

Te'da ia nabuniananni tau to apa napugauk, ke madoangngi mentokaissenan. Jaji ia ke mpugaukko tanda mejangngaran, mpangpekitanroko kale-Mu lako tobuda!”

Lukas 8:20

Denmi mesa' tau mpauanni nakua, “Oo Puang, jioi salean to indo-Ta' sola sile'to-Ta'. Madoangngi ssikitanki'.”