Yahya 7:18 - Alkitab Duri

¹⁸ Na ia to tompangpangngajaran ia kamaccanna, iamo to nnangaranra kadipujian kalena. Apa ia to tonnangaran kadipujian to tossuai, iamo to maruruh penawa, to te'da namangnguraga.

Yahya 7:18 Referans Kwoze

Yahya 5:41

Te'da kuparallu nakasiri' tolino.

1 Tesalonika 2:6

Te'da too kami' na ia kiangah to la napuji tau, la jio mai kalemi, la jioraka mai tolaen.

Yahya 12:28

Oo Ambe' pakala'bihmi sangam-Mi!” Ia tonna mangka mpaui susi joo, den gamara jao mai suruga nakua, “Kupakala'bihmo, na la kupakala'bih unapa!”

1 Petrus 4:11

Ia to tomangngajah la mangngajahhi susi tonasuanni Puang Allataala. Na ia to tontulung padanna rupa tau, la mangtulung situru' kapakullean to nabenni Puang Allataala. Ia ke susimi joo la napakala'bih tau to Puang Allataala sanga Puang Isa Almaseh. Tomakuasa to Puang Allataala na sipato' dipakala'bih tarruh te'da cappa'na. Amin.

Matius 6:9

Jaji, ia ammimassambajang, la mikua susi tee: Oo, Ambe'ki', Puang Allataala jao suruga. Dennaa upa' na sininna tau mpakala'bihki',

Kada Bulawan 25:27

Te'da namelo to takkaliwa' nniso' canik, susi toomi te'da namelo to madoang bang napuji tau.

Yahya 11:4

Ia tonna sa'dingngi Puang Isa joo kareba nakua, “Ia tee saki te'da anna la mpumatei, apa la mpamanassari kamala'biran-Na Puang Allataala sola Aku', Anak Allataala.”

Yahya 8:54

Mebalimi Puang Isa nakua, “Ia ke la kupakala'bihhi to kale-Ku', moi ci'di' te'da bua'na. Apa Ambe'-Ku'ra mpakala'bihna'! Ia toomo misanga Puangmi.

Yahya 12:43

La'bih nakabudai to kadipujian pole jio mai tolino, na ia to kadipujian pole jio mai Puang Allataala.

1 Yahya 2:29

Miissenmo kumua, ia to Almaseh nturu' pakkaeloran-Na Puang Allataala. Iamo joo la parallu too miissen kumua ia to tonturu' pakkaeloran-Na, napuanak Puang Allataala.