Yahya 6:63 - Alkitab Duri

⁶³ Roh Allataala to naputuo tau. Te'da lalo pakullena to tolino. Ia tee kada kupauan kamu', iamo kadan-Na Roh Allataala to mpangben katuoan.

Yahya 6:63 Referans Kwoze

Ibrani 4:12

Kada tuo na mawatang too to kadan-Na Puang Allataala, na la'bih mataran na ia to pa'dang mataran patomali. Susi pa'dang ntarruh kale ratu lako panglesoan na buku lampa, susi too kadan-Na Puang Allataala ntarruh penawa nnissen pikkirisanna sola akkalanna tolino.

Galatia 5:25

La nturu'miki' Roh Allataala, nasaba' mangkamiki' naben katuoan baru!

Yahya 6:68

Mebalimi Simon Petrus nakua, “Oo Puang, inda opara la kinii male? Na Kita' mandara to mpau kada mpangben katuoan melo te'da cappa'na.

1 Petrus 1:23

La sipakamoja' kamu', nasaba' pole jio mai kadan-Na Puang Allataala, ammimenjajimo tobaru susi to dijajian pole', to te'da najaji jio mai tolino to la mate, apa dijajian jiora kamu' mai kada to tuo te'da cappa'na.

1 Korintus 15:45

Den diuki' lan Sura' Allataala kumua, “Kepenawa to pamula tolino, iamo to Adam,” apa penawa mangpatuo to cappa' Adam, iamo to Almaseh.

Roma 10:17

Jaji, ia ke denni tau mpangpeissenanni to karebanna Almaseh, mane'ri disa'ding. Na ia ke denmi tau ssa'dingngi, mane'ri wa'ding nakatappa'i.

1 Petrus 3:18

Nasaba' pissenra mate to Almaseh la ndampangan tolino. Ia to Almaseh, to te'da namadosa, namate ssulle tomadosa, dikua misikalino pole' Puang Allataala. Batang kale-Na nabuno tau, apa napatuo pole'i Roh Allataala.

1 Tesalonika 2:13

Denpa mesa' napusaba', angkituli mangkurru sumanga' lako Puang Allataala. Iamo to kumua, ia tongkipangpeissenanni lako kamu' to kareba jio mai Puang Allataala, mipesa'dingngii mitarimai joo kareba, tangngia kumua pole jio mai tolino, apa mikatappa'i kumua pole jio mai Puang Allataala. Tongan kumua kadan-Na Puang Allataala joo kareba, to da'tan mangjama lan penawammi to tomatappa' lako Puang Isa.

Roma 8:2

nasaba' kuasan-Na Roh Allataala mangka lla'paranki' jio mai kuasa dosa sola kuasa kamatean. Ia to Roh Allataala mangka mbenki' katuoan baru sola Puang Isa Almaseh.

Yakub 1:18

Mangkamiki' napuanak situru' pakkaeloran-Na mpake pangngajaran tongan. Iamo napugaukki susi joo, sanga napamala'bihki' na ia to sininna olok-olok napaden.

1 Petrus 3:21

Na ia joo kajajian dipasangrapangngi pangjioran to mipusalama' tee too. Ia joo pangjioran tangngia mesa' cara mbasei batang kale danggi' nacarepa, apa ia to pangjioran mesa' peta'da lako Puang Allataala na la'paran kamu' jio mai kasalan. Napasalama' kamu', sanga mangkami tuo pole' Puang Isa Almaseh jio mai kamatean.

1 Timotius 4:8

Ia ke melajahki' maningo, te'da nabuda bang bua'na, apa ia ke tatta'ki' mpangben kaleta' lako Puang Allataala, makkeguna lan buda passalan, nasaba' ia tee too na jiona ahera' la ntarimaki' katuoan to mangka napau Puang Allataala.

Ibrani 13:9

Danggi' mieloranni to mangrupa-rupa pangngajaran to sisala Kareba Kasalamatan mpatuju sala kamu'. Iara to kameloan penawan-Na Puang Allataala to la mpamawatang penawanta', tangngiara kande. Ia joo atoran kande te'da lalomo bua'na lako tonturu'i.

Galatia 6:15

Nasaba' todisunna' ba'tu totangdisunna' pada te'da naparallu, apa ia to parallu iamo to katuoan baru.

Roma 2:25

Ia ke mituru'i to atoranna Nabi Musa, ia to sunna'mi den too bua'na. Apa ia ke te'da mituru' tonganni, te'da lalo bua'na tuu sunna'mi.

Galatia 5:6

Ia ke sirapumiki' Puang Isa Almaseh, te'damo silaenanna todisunna' ba'tu totangdisunna'. Apa ia to parallu, iara to kamatapparan lako Puang Isa Almaseh, to napamanassa kasipakamojatanta' padanta' rupa tau.

Kada Bulawan 4:13

Pentoei mandikki to pangpangngajah mangka kupauanko, danggi' ra'pananni. Parakai meloi, nasaba' iamo garonto'na katuoanmu.

Yahya 5:21

Susi to Ambe'-Ku' mpatuo tomate, nabenni katuoan melo te'da cappa'na, susi todami Aku' Anak mpangben katuoan melo te'da cappa'na lako ia to tokukadoangngi.

Jamanna Rasulu' 5:20

“Ee, male kamu' tama Bola Puang Allataala ammipangpeissenanni to katuoan baru lako tobuda!”